Programu ya Kanisa la Mwenyezi Mungu

Sikiliza sauti ya Mungu na ukaribishe kurudi kwa Bwana Yesu!

Tunawakaribisha wote wanaotafuta ukweli wawasiliane nasi.

Rangi imara

Mada

Fonti

Ukubwa wa Fonti

Nafasi ya Mstari

Upana wa ukurasa

(Ma)tokeo ya Kutafuta 0

Hakuna matokeo yaliyopatikana

Mwenyezi Mungu Amenipa Fursa ya Pili Katika Maisha

Ndugu wawili wa kawaida, Beijing

Agosti 15, 2012

Julai 21, mwaka wa 2012 ilikuwa siku isiyosahaulika sana kwangu, pamoja na kuwa siku muhimu zaidi ya maisha yangu.

Siku hiyo, mvua kubwa ilikuwa ikinyesha katika Wilaya ya Fangshan jijini Beijing—ilikuwa kubwa kuliko yoyote iliyowahi kuonekana pale katika miaka sitini na mmoja. Muda mfupi baada ya saa 10 jioni, nilitoka nje mtaani ili kuangalia na nikaona kuwa maji yalikuwa kila mahali. Gari la familia yetu lilikuwa tayari limeelea, na sababu ya pekee gari hilo kutosombwa na mkondo wa maji ilikuwa kwamba lilizuiwa na kitu mbele yake kilicholizuia kusonga. Maono hayo yalinifanya kuwa na wasiwasi sana, hivyo kwa haraka nilimpigia mume wangu simu, ambaye pia ni muumini, lakini sikuweza kumpata kwa simu bila kujali ni mara ngapi nilijaribu. Kisha, badala ya kutafuta mapenzi ya Mungu, niliharakisha kurudi nyumbani kumwita mume wangu kwa haraka.

Baadaye, mimi na mume wangu tulikwenda kuangalia gari hilo, miavuli mikononi. Tulipofika kando ya gari, alikuwa tu karibu kuingia ndani ili kuliendesha wakati lilipoanza kusonga lenyewe, kabla hata hajapata wakati wa kuligusa. Aliharakisha kulifuata kwa hatua kadhaa, lakini gari hilo likapelekwa na mkondo wa maji, na alivutwa pamoja nalo. Katika haraka yangu nilitaka kukimbia na kumshika, lakini kabla sijasonga, nilifyonzwa ndani ya mkondo wa maji, pia. Kufumba na kufumbua, tulisukumwa mbele na mbubujiko wa nguvu wa maji ulionguruma kwa zaidi ya mita sitini. Wakati huo huo, teksi kubwa kwa ghafla ikaelea ubavu juu mbele yetu. Mume wangu alitaka kusimama kwa kujitegemeza kwa teksi, lakini kabla hajafanya hivyo, ilibiringia mbele na tukazolewa pamoja kwa mita kadhaa pia. Mahali fulani ambapo mkondo uligeuka, mume wangu hatimaye aliweza kujilazimisha kuinuka wima. Akasema, "Haraka! Ingia katika kibanda kilichoinuka!" Kwa kushikana mkono kwa mkono, sote wawili tulipanda kwa shida na kuingia katika kibanda kilichoinuka. Hapo hapo mafuriko yakatuna sana. Tulishikilia kwa nguzo kikiki, tukiwa na hofu ya kuzolewa tena. Ni hapo tu, katika hali hii ya hatari ya kufa na kupona, ndipo nilipokumbuka kumtegemea Mungu. Katika moyo wangu, niliendelea kumwomba Yeye na kusihi, "Mungu! Kama nikiishi au kufa leo viko mikononi Mwako; hata kifo changu kitakuwa haki Yako!" Niliendelea kumwomba Mungu tena na tena, bila kuthubutu kumwacha Yeye hata kidogo. Ghafla, muujiza ukafanyika: Vijiti vingi vilizuia mkondo wa maji kutiririka kutuelekea, na tukaacha kuhisi maumivu yoyote wakati mafuriko yalipoendelea kuipiga miili yetu. Maji yalivyoendelea kuinuka, sote wawili tukaendelea kuomba na kuimba nyimbo katika kumsifu Mungu. Baadaye, mkondo wa maji ulipozidi kuwa na nguvu zaidi na zaidi, nilikuwa nimeishiwa na nguvu kabisa na ikaanza kuonekana kama singeweza kushikilia mhimili kwa muda mrefu. Kwa haraka, nikapiga ukelele kwa mume wangu, "Siwezi kushikilia kwa muda mrefu. Niko kwa shida kubwa!" Ghafla, mafuriko yakanichukua. Mume wangu kwa haraka alininyakua, na kwa wakati huo, tulikuwa katikati ya maisha na kifo. Wakati huo tu gari lilielea mbele yetu na lilikwama kati ya nguzo. Mbubujiko wa nguvu wa maji ulikurupua pande zote mbili za gari, na tulikuwa salama salimini! Mungu ni wa ajabu sana! Mungu ni mwenyezi sana! Kama Mungu hangeniokoa siku hiyo, ningesombwa na mafuriko, na kufia kusikojulikana. Alikuwa ni Mwenyezi Mungu ambaye Alinipa fursa ya pili katika maisha. Kama Mwenyezi Mungu alivyosema, "Mungu Hutumia maisha Yake kukimu vitu vyote vilivyo hai na visivyo na uhai, na kuleta yote kwa utaratibu mzuri kwa mujibu wa madaraka na mamlaka Yake. Huu ni ukweli ambao hakuna anayeweza kuufahamu au kuuelewa kwa urahisi, na kweli hizi zisizoeleweka kwa fikira zetu ni dhihirisho halisi na ushahidi wa nguvu za Mungu katika maisha" ("Mungu Ndiye Chanzo cha Uhai wa Mwanadamu" katika Neno Laonekana katika Mwili).

Na hivyo ilikuwa kwamba tulikuwa kwa mvua kwa masaa matano mfululizo. Kwa kweli, kufikia wakati huo waokozi wachache walikuwa tayari wametuona, lakini kwa kuona jinsi mkondo wa maji ulivyokuwa na nguvu, walihofia kusombwa na maji, hivyo badala yake wakaangalia tu kutoka mbali bila kuja kutuokoa. Yamkini, wanapokabiliwa na maafa, kila mtu ni mwenye ubinafsi na wasiojiweza; watu hawawezi kabisa kuokoana wao kwa wao. Ni Mwenyezi Mungu pekee Aliye chanzo chetu cha uzima; zaidi ya hayo, Yeye ndiye pekee Ambaye anaweza kutuokoa mapema. Kumwacha Mwenyezi Mungu ni kufa. Sasa mimi mwenyewe nimeonja upendo wa Mungu, napenda kula kiapo mbele Yake: Kuanzia siku hii kwendelea, nataka kumfuata Mwenyezi Mungu kwa uamuzi; napenda kutumia uzoefu wangu wa kibinafsi kueneza injili, kuwaleta watu zaidi mbele ya Mungu, ili nipate kulipa deni la wema ninalomwia Yeye kwa wokovu Wake!

Inayofuata:Bila Ya Wokovu wa Mungu, Singeweza Kuwa Hapa Leo

Maudhui Yanayohusiana

  • Mabadiliko ya Mtu Aliyeanguka

    Ndio, bila ya wokovu wa Mungu, singekuwa nimechukua njia sahihi katika maisha; ningekuwa nimepotoka tu zaidi na zaidi, na ningekuwa nimekwishakuwa mtu duni kabisa na mchafu ambaye angelaaniwa na Mungu mwishowe. Ni hukumu ya haki ya Mungu ambayo imeniokoa, na usafishwaji usio na huruma ambao umenibadilisha. Hili huniwezesha kuelewa lililo baya na lililo takatifu na pia ukuu wa Mungu, uzuri na wema, na ukatili wa Shetani na uovu. Sitamfuata Shetani tena kamwe, na nitafuatilia tu ukweli kikamilifu, kujiondolea upotovu wa Shetani, na kuishi maisha halisi ya kibinadamu. Ingawa nimepitia mateso ya kuadibu kwingi na usafishwaji, nimepata njia ya thamani zaidi ya maisha, ikiniruhusu kuzaliwa upya na kuingia njia ya kweli katika maisha.

  • Baada ya Kupoteza Hadhi Yangu …

    Nikiangalia maneno ya Mungu na nikifikiri juu yangu mwenyewe, niligundua kuwa kile nilichokuwa nikifuatilia hakikuwa ukweli kamwe, wala sikuwa nikitafuta kumtosheleza Mungu, lakini badala yake ilikuwa sifa, faida na hadhi. Nikiwa na hadhi, kujiamini kwangu kuliongezeka mara mia moja; bila hadhi, nilikuwa mwenye harara na wa huzuni sana hivi kwamba singeweza kujisumbua kufanya kazi. Kwa kweli nilijisahau kwa hadhi yangu nikiharakisha pote nikijihusisha mchana kutwa na mambo haya yasiyo na maana na yasiyo na thamani na kupoteza wakati mwingi; na nilipata nini mwishowe? Tabia ya aibu niliyoionyesha leo?

  • Hakuna Utendewaji Maalum katika Kanisa

    Liu Xin     Mji wa Liaocheng, Mkoa wa Shandong Baada ya kumfuata Mungu kwa miaka hii, nilihisi kuwa nilikuwa nimevumilia mateso na kulipa…

  • Huduma ya Aina Hii Kwa Hakika Ni ya Kudharauliwa

    Maneno ya Mungu tena yalinileta kwa ufahamu wa jinsi huduma yangu kwa Mungu kwa kweli ilikuwa ni kujishuhudia mwenyewe na kujiinua na yalinisaidia kuona matokeo mabaya ya tabia hii. Maneno ya Mungu yalinisaidia kuona kwamba asili yangu, kama ile ya malaika mkuu, ingeweza kuniongoza kuwa gaidi dhalimu, na kwamba ningeweza kusababisha maangamizi makubwa. Nilifikiria kuhusu jinsi huduma yangu kwa Mungu haikutimizwa kulingana na kanuni sahihi za huduma; haikuwa ikimwinua Mungu na kumshuhudia Mungu, si kufanya wajibu wangu. Badala yake, siku zangu zilitumiwa kujionyeshwa mwenyewe, kujishuhudia mwenyewe, kuwavuta ndugu zangu wa kiume na wa kike mbele yangu. Je, si aina hii ya huduma ni ya kudharauliwa?