Tunawakaribisha wote wanaotafuta ukweli wawasiliane nasi.

Ushuhuda wa Uzoefu Mbele ya Kiti cha Hukumu cha Kristo

Rangi imara

Mada

Fonti

Ukubwa wa Fonti

Nafasi ya Mstari

Upana wa ukurasa

(Ma)tokeo ya Kutafuta 0

Hakuna matokeo yaliyopatikana

66. Kubagua dhidi ya Watu wa Nje ni Uovu Sana

Xiaojin Kaunti ya Pan’an, Mkoa wa Zhejiang

Katika mwezi wa Februari mwaka wa 2007, kanisa lilipokea mpango wa kazi uitwao “Nyunyizia na Uwape Waumini Wapya ili Kuwasaidia Kukita Mizizi Haraka Iwezekanavyo.” Ulisisitiza kuwa “Ni lazima wawape majukumu upya wale wote wanaofaa na walio na tajriba katika kuwanyunyizia waumini wapya ili kukamilisha kazi hizi. Wale wasiofaa katika kuwanyunyizia waumini wapya hawapaswi kutumiwa kabisa katika nafasi hii, na ni lazima wahamishwe hadi vituo vingine vya kazi ili kazi hii isicheleweshwe” (Ushirika kutoka kwa Aliye Juu). Baada ya kuona mpango huu, badala ya kutumia kanuni kupima iwapo dada kutoka katika wilaya yetu aliyekuwa akiwanyunyizia waumini wapya alikuwa anafaa, nilikuwa tayari na mawazo dhidi yake: “Mtu huyu alitekeleza wajibu wake kwa uzembe na hakulenga kula na kunywa maneno ya Mungu. Mbali na hilo, alitunza mwili wake, hivyo hakuwa anafaa kuwanyunyizia waumini wapya. La muhimu zaidi, alidhani kuwa alikuwa bora na akawa na kiburi na kuwapuuza wengine. Mara ya mwisho, alienda kwa viongozi wa ngazi za juu na kuongea mabaya kunihusu. Isingekuwa kwa sababu ya matakwa ya kazi yangu, kamwe singemsikiliza tena.” Katika kuwaza kuhusu jambo hili, nikafanya mpango: Mbona nisijifaidi kutokana na fursa hii na nimpe mtu mwingine nafasi yake ili kamwe nisiweze kumuona tena? Je, yeye si mwenye kiburi? Nitampa mtu mwingine nafasi yake kisha nitaona jinsi alivyo mwenye kiburi!

Kama matokeo, sikupima kufaa kwa kazi yake na sikuwa ninafikiri katika kufaidika kwa kanisa. Nilikuwa tu katika haraka ya kumpa mtu mwingine nafasi yake. Baadaye, nilihamisha kiongozi wa kanisa kwenda kwa wilaya ili kutekeleza wajibu wa unyunyizaji bila kujali. Katika mtazamo wangu, mtu huyu angestahimili matatizo, alizungumza maneno yenye huruma na alikuwa anafanya kazi kwa haraka. Alikuwa wa huruma kwa watu na alikuwa anafaa sana katika kazi ya kunyunyizia. Sikufahamu kuwa viongozi wa ngazi za juu walifikiri kuwa mtu huyu hakuwa anafaa na kuwa dada yule wa kwanza alikuwa anafaa zaidi. Nilifanya nilivyoweza kuongea mazuri kuhusu kiongozi huyu wa kanisa, hata kwa kiwango cha kusema kuwa hakukuwa na mtu mwingine bora kumliko. Wakati tu ambapo sikuwa tayari kukubali mapendekezo yao, nilipokea habari zikisema kuwa kiongozi huyu wa kanisa alikuwa akichunguzwa na joka kuu jekundu. Bila chaguo lingine lolote, nilijiweka kando na huku nikiwa na kisasi nikamrejesha yule dada wa kwanza. Moyo wangu ulikuwa na wasiwasi sana na huzuni, na nilihisi kuwa sikuwa na mahali popote pa kuzungumza kuhusu mashaka yangu.

Hii iliendelea hadi siku moja niliposoma katika kifungu katika mahubiri ya mtu: “Jinsi wale wanaohudumu kama viongozi huwatendea dada na ndugu wale ambao huona hawasikizani, wale ambao huwapinga, na wale ambao huwa na mitazamo iliyo tofauti kabisa nao ni suala kuu sana na linapaswa kushughulikuwa kwa makini. Iwapo hawataingia katika ukweli wa jambo hili, hakika watambagua na kuwazima watu wanapokumbana na suala la aina hii. Aina hii ya kitendo kwa ufupi ni maonyesho ya asili ya joka kuu jekundu ya kumpinga na kumsaliti Mungu. Iwapo wale wanaohudumu kama viongozi watafuatilia ukweli, na wawe na dhamiri na mantiki, watatafuta ukweli na waushughulikie jambo hili ipasavyo” (Ushirika kutoka kwa Aliye Juu). Wakati huu, singejizuia kufikiria kuhusu uhamishaji wa hivi karibuni wa mfanyakazi wa kunyunyizia wa wilaya. Wakati huo, Mungu alinizuia kufanya kitendo kibaya ili kuilinda kazi Yake mwenyewe, jambo ambalo lilizuia mpango wangu kufaulu. Hata hivyo, asili ya kishetani na sumu ya joka kuu jekundu iliyokuwa ndani yangu ilipata mwangaza kikamilifu. Mpango wa kazi ulisisitiza kwa wazi kufanya chochote kiwezekanacho ili kuwanyunyizia waumini wapya na kuhamisha wafanyakazi wanaofaa wa kunyunyiza. Lakini licha ya dharura ya Mungu ya kuwaokoa watu, na bila kufikiri kuhusu kufanya kazi vyema, iligharimu uhuru wa kutobagua na kumshambulia aliyenikosea. Katika kufanya hivyo, mimi sikuwa ninatumia njia sawa za kudharau kama joka kuu jekundu ili kuwaondoa watu wa nje? Huku kulikuwaje kumtumikia Mungu? Ilikuwa tu kuwakandamiza watu na kuwabagua. Ilikuwa kupinga na kuvuruga kazi ya kanisa. Kwa hakika nimeharibiwa na Shetani sana. Vitendo vyangu havikuwa tofauti na vile vya joka kuu jekundu. Joka kuu jekundu hutumia njia za kusikitisha ili kuwaondoa watu wa nje. Pia nilikuwa ninaitoa nafasi ya aliyenikosea kwa mtu mwingine kwa kusingizia kuweka mipango ya kazi katika utendaji. Joka kuu jekundu huwapandisha vyeo linaowapenda na nilikuwa ninampandisha mtu cheo ambaye mimi binafsi nilidhani alikuwa mwema na ambaye alipatana na maoni yangu. Joka kuu jekundu hufuata kanuni ya kishetani ya “Wale wanaotii watafaulu; wale wanaopinga wataangamia.” Pia nilitumia “mamlaka” yangu kulipiza kisasi kwa mtu aliyenikosea na ambaye alikuwa na wazo kunihusu. Joka kuu jekundu hugeuza ukweli; halina haki na linapendelea. Nilikuwa na hisia nilipomshutumu mtu ambaye hakukubaliana na matakwa yangu bila kufikiria. Niliendelea kunena mazuri kuhusu mtu niliyempenda hata kwa kiwango cha kutia chumvi, kunena kinyume na ukweli. … Sasa ninaona kuwa sumu ya joka kuu jekundu imekita mizizi ndani yangu. Tayari imekuwa sehemu ya maisha yangu, kwa kiwango kuwa inaathiri kila kipengele cha tabia yangu. Sumu ya joka kuu jekundu hunifanya mwenye dhambi na mwenye nia mbaya; hufanya moyo wangu kuwa mchafu, wa kulaaniwa, na mbaya, hii hunifanya kumpinga mtu kiujinga. Isingekuwa kwa sababu ya nuru ya Mungu, ningekuwa ningali ninaishi katika uovu wangu mwenyewe na bado ningekuwa ninatafakari kuhusu nia zangu zilizofeli. Hakika singejua kwamba nilikuwa nimepoteza fikira na dhamiri zangu kabisa na kuwa tabia yangu ilikuwa inakosea tabia ya Mungu.

Mwenyezi Mungu, mahusiano yako yamenifanya kuona kuwa asili yangu ni mbovu sana na ya kusikitisha. Mimi ni mfano kamili wa joka kuu jekundu; tabia yangu haina utofauti wowote na joka kuu jekundu. Kutoka sasa, niko tayari kufuata ukweli kwa utendaji. Nitajichunguza kwa kulinganisha mawazo, maneno na matendo yangu na neno la Mungu, na kutambua asili ya joka kuu jekundu ndani yangu. Nitaona kiini chake kwa wazi na hakika nitalichukia, kuligeuka, na kuwa mwanamume halisi aliye na ubinadamu wa kuufariji moyo Wako!

Iliyotangulia:Niko Tayari Kukubali Usimamizi wa Wote

Inayofuata:Wivu—Ugonjwa Sugu Wa Kiroho

Maudhui Yanayohusiana

  • Uso halisi wa Mtu Anayedaiwa Kuwa Mtu Mzuri

    Hivi sasa, moyo wangu umejaa hatia, na wakati huo huo umejaa shukrani kwa Mungu. Siwezi kujizuia kujimwaga mbele ya Mungu, “Mungu, asante kwa nuru Yako, kuniruhusu nijue kuwa mimi si mtu mwenye ubinadamu mzuri, kunisaidia kuelewa kuwa mtu mwenye ubinadamu wa kweli ni yule anayependa ukweli, ni mtu ambaye humsikiliza Mungu na kumtii Mungu, ni mtu ambaye yuko tayari kutenda ukweli na kufuatilia upendo wa Mungu. Mimi pia natambua ufahamu wangu juu yangu hautegemezwi kwa ukweli wa maneno ya Mungu, lakini umetegemezwa fikra zangu na dhana zangu, na vilevile maoni yangu ya kidunia. Ni upumbavu kabisa.

  • Kila Neno la Mungu ni Maonyesho ya Tabia Yake

    Ni sasa tu ninapoelewa kwamba kama napenda kuielewa tabia ya Mungu, ni lazima nijaribu kwa bidii kuelewa na kutafuta ukweli ndani ya kila sentensi ya Mungu. Kwa njia hii, hakika nitafaidika sana. Kuanzia leo kwendelea, natamani kuzingatia kuweka juhudi nyingi zaidi katika maneno ya Mungu, na kutafuta hivi karibuni kuwa mtu ambaye ana ufahamu kiasi wa Mungu.

  • Umuhimu wa Uratibu katika Huduma

    Hivi karibuni kanisa lilitoa mpangilio wa kazi likihitaji viongozi wa kanisa katika ngazi zote kuanzisha mbia (mfanyikazi mwenza kufanya kazi pamoja nao). Wakati huo, nilifikiri kwamba huu ulikuwa mpangilio mzuri. Nilikuwa wa ubora wa tabia wa chini na nilikuwa na kazi nyingi; kwa kweli nilihitaji mbia wa kunisaidia kukamilisha kila aina ya kazi kanisani.

  • Ufahamu Kiasi Kuhusu Kuokolewa

    Baada ya kusoma hili, nilihisi kama kwamba nilikuwa nikiamka kutoka ndotoni. Kwa hiyo, kuokolewa na Mungu hakukuwa rahisi kama nilivyokuwa nimefikiri hata hivyo; inategemea watu kupitia kazi na maneno ya Mungu kila hatua ya njia, kukubali kuadibu na hukumu ya Mungu, ushughulikiaji na upogoaji, pamoja na kupitia machungu ya kila aina ya maudhi na kero. Ili waweze kufikia ufahamu halisi wa tabia zao potovu na hatua kwa hatua kujiondolea upotovu, na hatimaye waweze kutegemea maneno ya Mungu na kutegemea ukweli kumshinda Shetani na kuvuka mipaka ya nguvu za giza katika kila aina ya mazingira. Kufikia matokeo haya tu ndio kuokolewa na Mungu kwa kweli.