Tunawakaribisha wote wanaotafuta ukweli wawasiliane nasi.

Ushuhuda wa Uzoefu Mbele ya Kiti cha Hukumu cha Kristo

Rangi imara

Mada

Fonti

Ukubwa wa Fonti

Nafasi ya Mstari

Upana wa ukurasa

(Ma)tokeo ya Kutafuta 0

Hakuna matokeo yaliyopatikana

67. Wivu—Ugonjwa Sugu Wa Kiroho

He Jiejing Jiji la Hezhou, Mkoa wa Guangxi

Dada mmoja na mimi tuliunganishwa ili tusahihishe makala pamoja. Tulipokuwa tukikutana, nilitambua kuwa haikujalisha kama ilikuwa ni kuimba, kucheza ngoma, kupokea neno la Mungu, au kuwasiliana ukweli, huyu dada alikuwa bora kuniliko katika kila kipengele. Ndugu wa kiume na wa kike wa familia mwenyeji wote walimpenda na wangezungumza naye. Kwa sababu ya hili, moyo wangu ulikuwa na wasiwasi sana na nilihisi kama nilikosa kuthaminiwa—hata kufikia kiasi kwamba nilifikiri kuwa mradi alikuwa huko, hakukuwa na nafasi yangu. Moyoni mwangu nilianza kuhisi kuchoshwa naye na kutotaka kuandamana naye katika kutimiza wajibu wetu. Nilitumaini kwamba angeondoka ili kwamba ndugu wa kiume na wa kike wangenipenda na kuniheshimu sana.

Siku moja, kiongozi alituzuru. Kwa sababu ya hali yake hasi, huyu dada aliomba kuhamishiwa kwa kazi tofauti. Baada ya kusikia akisema hivi, nikawa na msisimko mno. Niliwaza: Nilikuwa nikitumaini daima ya kwamba ungeenda. Ukienda, basi nitayaondokea mashaka yangu. Kwa hiyo, nilikuwa na shauku ya kiongozi huyu kumpa kazi nyingine mara moja. Hata hivyo, mambo yaliniendea kinyume na matarajio na kiongozi hakukosa tu kumpa kazi mpya, lakini kwa uvumilivu aliwasiliana naye ukweli na kumsaidia kubadilisha hali yake. Nilipoona hayo, nilihisi kuwa na wasiwasi hasa, na nikatumaini hata zaidi kuwa huyu dada angeondoka. Nikafikiri: Ni lini nitaweza kuyaondokea mashaka haya kama haendi wakati huu? Hapana, ni lazima nifikirie njia ya kumfanya aondoke haraka. Kwa hiyo, nilitumia fursa wakati huyu dada hakuwepo ili kumpa kiongozi maelezo zaidi, nikisema: “Hali yake mbaya mara nyingi humzuia katika kulenga wajibu wake. Sasa amepoteza kazi ya Roho Mtakatifu na tayari imeathiri kazi ya kanisa ya kuhariri na kukusanya makala. Ni heri umpe kazi mpya. dada X anaweza kuwa na thamani bora ya kukuza kuliko dada niliyewekwa naye.” Mara tu nilipomaliza kusema hili, neno la Mungu liliingia ndani yangu likinishutumu: “Wanadamu dhalimu! Kufumba watu macho na kula njama, kupokonyana na kunyang’anya mmoja kutoka kwa mwingine, kung’ang’ania umaarufu na mali, kuuana—haya yote yataisha lini? Licha ya mamia ya maelfu ya maneno ambayo Mungu amezungumza, hakuna hata mmoja ambaye amejirudi. … Ni wangapi wasiokandamiza na kutenganisha wengine ili kulinda cheo chao wenyewe?” (“Waovu Hakika Wataadhibiwa” katika Neno Laonekana katika Mwili). Katika kukabiliana na maneno ya hukumu ya Mungu, nilihisi kama Mungu alikuwa akinikaripia kwa ukali uso kwa uso. Kwa ghafla nilianza kutetemeka kwa hofu na sikuweza kujizuia kuhisi woga kwa maneno ambayo nilikuwa tu nimeyasema. Si mimi ni kama watu wanaofichuliwa na neno la Mungu ambao “Ni wangapi wasiokandamiza na kutenganisha wengine ili kulinda cheo chao wenyewe?” Nilipoona kwamba dada niliyekuwa nikifanya kazi naye alikuwa bora zaidi kuniliko katika kila kipengele na kwamba ndugu wa kiume na wa kike wote walimpenda, nilikuwa na wivu moyoni mwangu. Nilikuwa nimechoshwa naye, nikambagua, na kutarajia kuwa angeondoka hivi karibuni ili kwamba ningeyaondokea mashaka yangu. Ili kuwafanya ndugu wa kiume na wa kike kunisikiliza ili kwamba ningejisikia kama nilikuwa na hadhi nikiwa nao, nilitumia hali mbaya ya dada huyu kwa manufaa yangu na kumsengenya kwa kiongozi kwa kisingizio cha kulinda maslahi ya kanisa. Lilikuwa jaribio langu la bure la kutumia kiongozi kumwondoa yule dada kabisa. Mwenendo wangu ulifunua kabisa sura yangu ya kweli na kufichua tabia yangu mbovu ya kishetani. Ili kubuni udikteta, joka kubwa jekundu hutumia njia yoyote muhimu ili kuwaondoa wapinzani kabisa. Ili kuwa kiini cha ndugu zangu wa kiume na wa kike na kuwafanya watake kuwa karibu nami, kwa hila niliwaondoa kabisa wale ambao hawakuwa na faida kwangu. Joka kubwa jekundu lina wivu kwa wale walio wakubwa kuliliko na huwaangamiza wale wenye malengo mema. Mimi pia nilikuwa na wivu kwa dada huyu kwa sababu alikuwa bora zaidi kuniliko katika kila kipengele na nilitumia mbinu za kusikitisha kumwondoa kabisa. Joka kubwa jekundu huwahukumu na kuwaua watu kwa matilaba yake mwenyewe. Ili kupata matilaba yangu mwenyewe, kwa makusudi nilitia chumvi mambo kumhusu dada huyu. Mwenendo wangu ulikuwa sawa na ule wa joka kubwa jekundu. Kanisa lilikuwa limetupangia kufanya kazi pamoja ili tuweze kusaidia na kuauniana, ili tuweze kufanya kazi nzuri kwa moyo na akili moja ili kumpendeza Mungu. Ilikuwa pia ili tuweze kutumia nguvu zetu ili kufidia udhaifu wa mwingine ili tuweze kuelewa na kupata ukweli zaidi na kubadilisha tabia yetu. Lakini sikuwa na ufahamu wa mapenzi ya Mungu hata kwa kiwango kidogo. Nilipoona huyu dada alikuwa katika hali mbaya, sio tu kuwa sikutegemea upendo kumsaidia, lakini pia nilitarajia abadilishwe kwa haraka ili kuilinda nafasi yangu, kiasi kwamba ningetumia njia yoyote ili kufanikisha malengo yangu mwenyewe. Kama sitaharakisha na kutubu, ni lazima hatimaye niangamizwe pamoja na joka kubwa jekundu.

Asante Mungu! Hukumu Yako na kuadibu vimeniamsha wakati ufaao kunifanya nione wazi uso wangu uliotoka katika upotovu wa Shetani, na kupitia kwa hili kuniwezesha kukuza chuki ya kweli kwa asili yangu ya kishetani. Kuanzia wakati huu kwendelea, nitageuka kutoka kwa asili ya Shetani iliyo ndani yangu. Sitajipignia mwenyewe tena. Natumaini kufanya kazi vyema na dada huyu ili kutimiza wajibu wetu na kumridhisha Mungu. Nitakuwa tayari zaidi kutafuta ukweli na kutupa sumu ya joka kubwa jekundu, na hivyo kuishi kama mtu halisi ili kumfariji Mungu!

Iliyotangulia:Kubagua dhidi ya Watu wa Nje ni Uovu Sana

Inayofuata:Kutupa mbali Minyororo ya Shetani

Maudhui Yanayohusiana

  • Usitafute Mbinu Mpya Unapomtumikia Mungu

    Ilikuwa ni katika ufunuo wa Mungu ambapo hatimaye nilitambua asili yangu ya kishetani ya kiburi na hali ya kutojali: sikuwa na chembe ya uchaji mbele ya Mungu. Niligundua wakati huo huo kwamba mawazo ya mwanadamu ni shimo la maji ya kunuka. Njia yangu “iliyofanywa kwa werevu”, bila kujali ni nzuri kiasi gani, ilikuwa matakwa ya Shetani, na ingeweza tu kumchukiza Mungu. Ingeweza tu kumkosea Yeye na kuvuruga kazi Yake.

  • Chochote Mungu Asemacho Ndiyo Hukumu Hasa ya Mwanadamu

    Nilikuwa nikidhani kwamba Mungu alimhukumu na kumuadibu mwanadamu wakati tu Alipoufichua upotovu wa asili wa mwanadamu au alipoeleza maneno mkali ambayo yaliuhukumu mwisho wa mwanadamu. Ilikuwa ni baadaye kabisa tu ambapo tukio moja liliponiongoza kutambua kwamba hata maneno mapole ya Mungu pia yalikuwa ni hukumu na kuadibu Kwake. Niligundua kuwa kila neno Alilolisema Mungu ni hukumu Yake kwa mwanadamu.

  • Kuinuka Kupitia Ukandamizaji wa Giza

    Mo Zhijian Mkoa wa Guangdong Nilizaliwa katika eneo maskini, la mbali lenye milima ambako tumefukiza na kumwabudu Budha kwa vizazi vingi. Kuna hekalu…

  • Nilipitia Wokovu wa Mungu

    Mungu mpendwa, asante! Kupitia uzoefu huu, ninatambua kwamba wokovu Wako ni wa kweli na hukumu Yako na kuadibu vimejaa upendo. Bila hukumu Yako na kuadibu, singewahi kamwe kujitazama kwa kweli. Ningendelea kuishi katika upotovu, hali yangu ikiendelea kuharibika, kukanyagwa na Shetani na hatimaye kubebwa naye. Kupitia uzoefu huu, nilitambua pia kuwa kiini Chako ni upendo na kwamba matendo Yako yote yanalenga kuwaokoa wanadamu. Mungu, ninaapa kujiwekeza kikamilifu katika kutafuta ukweli na kuanza upya. Bila kujali matokeo ni yapi, ninaapa kutimiza wajibu wangu wa kiumbe ili kuyaridhisha mapenzi Yako.