Programu ya Kanisa la Mwenyezi Mungu

Sikiliza sauti ya Mungu na ukaribishe kurudi kwa Bwana Yesu!

Tunawakaribisha wote wanaotafuta ukweli wawasiliane nasi.

Ushuhuda wa Uzoefu Mbele ya Kiti cha Hukumu cha Kristo

Rangi imara

Mada

Fonti

Ukubwa wa Fonti

Nafasi ya Mstari

Upana wa ukurasa

(Ma)tokeo ya Kutafuta 0

Hakuna matokeo yaliyopatikana

54. Siri Zilizofichwa Nyuma ya Ufuatiliaji

Li Li Mji wa Dezhou, Mkoa wa Shandong

Sio muda mrefu uliopita, nilichaguliwa kama kiongozi wa ngazi ya katikati na ndugu zangu wa kiume na kike. Siku moja, nilipokuwa nimekusanyika na wafanyakazi wenzangu, sikuweza kujizuia kufikiria mwenyewe: ni lazima nifanye vyema. Ningetimiza wajibu wangu vibaya, viongozi wangu na wafanyakazi wenzangu wangenionaje? Matokeo yake yalikuwa, tulipozungumzia mada fulani pamoja, almuradi nilikuwa na ufahamu kidogo wa mada hiyo, basi ningejaribu kuwa wa kwanza kusema kitu, hata hivyo wakati sikuwa na ufahamu wa mada iliyojadiliwa na sikuweza kusema chochote, nilijipata nikiwa na wasiwasi. Katika siku hizo chache za mikutano, nilihisi nimechoka sana na kuwa na wasiwasi hasa, kana kwamba nilikuwa katika uwanja fulani wa kupambana. Baadaye, nilitafakari juu ya kile nilichofichua na nilitambua kuwa hali ya aina hii ilikuwa ilisababishwa hasa na majisifu yangu na hakukuwa na matatizo halisi.

Halafu siku moja, viongozi waliniarifu juu ya mkutano, nilihisi msisimko hasa nilipoambiwa kwamba viongozi wa ngazi za juu wangeitisha mkutano huo, na nikafikiri: Inaonekana kama nitafunzwa ili kupanda cheo, nikifanya vizuri na kuacha picha nzuri basi labda nitapandishwa cheo, na wakati uwajibikaji wangu unapoongezeka, basi sio wafanyakazi wenzangu tu watakaonipenda lakini pia ndugu zangu wa kiume na wa kike. Kwa hiyo katika mkutano huo, nilizungumza kwa majaribio sana, kwa kuogopa kwamba maneno yoyote yasiyofaa yangeacha picha mbaya kwa viongozi wangu. Wakati mkutano ulipomalizika hatimaye, nilihisi furaha ingawa nilikuwa na wasiwasi na kuchoka siku zilizopita, na nilihisi kuwa wakati ujao ulikuwa na ahadi nyingi. Kuanzia hapo kuendelea, “ukimbizaji” wangu ulikuwa umeongezeka sana kwa nguvu.

Siku moja, nilisoma kifungu kifuatacho kutoka kwa mahubiri: “Zamani watu walipojaribu kupata kujijua, walitilia maanani tu makosa ambayo walikuwa wametenda au upotovu waliokuwa wamefichua, lakini walitelekeza kuchangua kila neno na tendo lao ili kuona yepi yalikuwa tabia za upotovu za shetani, yepi yalikuwa sumu za joka kubwa jekundu, yepi yalikuwa mawazo na dhana za watu, na yepi yalikuwa uwongo na mikengeuko. Kando na mambo haya, watu lazima pia wachangue mitazamo yao wenyewe na hali zao za ndani, ili kuelewa mambo yaliyofichika katika kina cha mioyo yao, na waje mbele ya Mungu na kuyang’amua mambo haya kutumia ukweli. Hapo tu ndipo mtu anaweza kujua uhalisi wa upotovu wake mwenyewe na kuona tatizo la kiini chake potovu. Kwa maana mtu hajafanya makosa makuu hakumaanishi kuwa hakuna matatizo katika kina cha moyo wake. Uovu fulani uliofichika, tabia, tatizo katika asili ya mtu ni hata ngumu zaidi kutatua. Magonjwa madogo hayawezi kuwaua watu; ni magonjwa makubwa tu ambayo huua” (Ushirika kutoka kwa Aliye Juu). Baada ya kusoma hili, sikuweza kujizuia kufikiria saikolojia yangu mwenyewe kutoka mikutano miwili iliyopita, na kwa ndani nilifikiria: Ni asili gani iliyoitawala? Wakati huo, nilianza kutafuta ukweli uliotangamana kwa hali yangu mwenyewe ili nipate kuichunguza na kuichangua.

Chini ya mwongozo wa Mungu, niliona neno la Mungu: “watu wengine hususan humpenda Paulo sana. Wanapenda kwenda na kuhutubu na kufanya kazi, wanapenda kukutana pamoja; wanapenda watu kuwasikiza, kuwaabudu, na kuwazingira. Wanapenda kuwa na hadhi katika mawazo ya wengine, na wanafurahia wakati wengine wanathamini mifano yao. Hebu tuchanganue asili yao kutoka kwa tabia hizi: Je, ni aina gani ya asili ambayo watu wenye tabia hizi humiliki? Kama kweli wanatenda kwa njia hii, basi hilo linatosha kuonyesha kuwa wao ni fidhuli na wenye majivuno. Hawamwabudu Mungu hata kidogo; wanatafuta hadhi ya juu zaidi, na wangependa kuwa na mamlaka juu ya wengine, kuwamiliki, na kuwa na hadhi akilini mwao. Vipengele vya asili yao vinavyojitokeza ni ufidhuli na majivuno, kutokuwa radhi kumwabudu Mungu, na tamaa ya kuabudiwa na wengine. Huu ni mfano bora wa Shetani. Tabia kama hizi zinaweza kupa mtazamo dhahiri sana juu ya asili zao” (“Jinsi ya Kujua Asili ya Mwanadamu” katika Kumbukumbu za Maongezi ya Kristo). Nilijaribu tena na tena kulielewa kila neno la Mungu, na kuyalinganisha na mawazo yangu mwenyewe, maneno na matendo, ni hapo tu nilipoona ukweli. Sababu yangu hasa ya kuwa na wasiwasi na wa kupaswa kutii mamlaka ya kuongoza kwa mkutano haikuwa ni kuwaacha watu wengine wanisikilize au kunitilia thamani? Si ilikuwa tu ni kupata hadhi ya juu na kuwa na watu zaidi kuniheshimu sana? Nilipohisi kwamba viongozi waliniheshimu, nilifikiri kwamba maisha yangu ya baadaye yalijaa matumaini, na nilijihisi kuridhika nafsi zaidi na mwenye nguvu. Kutoka kwa hilo niliona hali ya kiburi changu mwenyewe, daima nilitaka kupanda ngazi, kuwatawala watu, kuwa na nafasi katika mioyo ya watu, nilitafuta sawa na Paulo aliyotafuta. Kimsingi, kile nilichofuatilia hakikuwa kumwabudu au kumridhisha Mungu, bali kutumia hadhi iliyotolewa na Mungu ili kuridhisha tamaa na malengo yangu mwenyewe. Si hivi ndivyo hasa jinsi malaika mkuu alivyofichua kiburi chake? Si nilishika njia ya mpinga Kristo?

Awali nilipohudhuria mikutano nilikuwa nikizuiwa kwa urahisi, lakini nilifikiri tu kwamba nilikuwa ovyo mno, na sikuvichangua vitu vilivyokuwa nyuma. Sasa baada ya uchambuzi nilitambua kwamba hili lilikuwa linaendeshwa na asili ya kiburi na ya majivuno, ambamo nyuma yake kulikuwa mipango ya kibinafsi na malengo ya kiburi. Nilitawaliwa na kiburi changu mwenyewe, na nilifanya mengi dhidi ya Mungu: Niliharakisha nikitekeleza wajibu wangu na nilikuwa na hamu ya kujionyesha mwenyewe ili kupata hadhi ya juu na kupata upendezwaji wa ndugu zangu wa kiume na wa kike; nilipojiweka wazi mbele ya ndugu wa kiume na wa kike, kwa kweli sikuwahi kamwe kuchambua mambo yaliyofichika ndani kwa kina, badala yake nilizungumza juu ya vitendo vyangu vya nje ili kujipandisha cheo na kujishuhudia mwenyewe; nilipokula na kunywa neno la Mungu, haikuwa kuinua ufahamu wangu au kupokea ukweli, bali kujionyesha kwa ndugu zangu wa kiume na wa kike. … Wakati nilifikiria jambo hili nilijikunyata: Sikuwa nikimtumikia Mungu, nilikuwa nimejihusisha kabisa na mambo yangu mwenyewe na kumpinga Mungu. Sasa, kama Mungu hakuwa ameniruhusu kuitambua asili yangu ya kiburi, na kuona lengo na uchafu uliosababisha ufuatiliaji wangu wa shauku na kwamba nilikuwa katika njia mbaya, basi ningeendelea na njia zangu za kiburi, na huenda nikafanya mambo maovu ambayo humpinga na kumsaliti Mungu na hivyo kuwa na uelekeo wa adhabu ya Mungu.

Ninamshukuru Mungu kwa kunipatia nuru Kwake kwa wakati wa kufaa na mwongozo ambao uliniongoza kutambua kiini cha asili yangu ya kiburi, na kuniruhusu nione kwamba nilikuwa ninashika njia ya mpinga Kristo; uzoefu huu umenifanya hasa kutambua kwamba, katika uzoefu wangu sipaswi kutambua ufunuo wangu mwenyewe na makosa tu lakini kuyalinganisha na ukweli na kuchunguza mambo yaliyofichika ndani sana ili kupata ufahamu bora wa asili yangu mwenyewe na kufanya mabadiliko katika tabia yangu. Katika siku zijazo, ningependa kuchangua kwa makini hali yangu ya akili na hali ya ndani, na kuielewa asili yangu potovu, kutafuta na kupata njia sahihi kwa wokovu wa Mungu.

Iliyotangulia:Sababu ya Kweli ya Kazi Isiyofaa

Inayofuata:Kupitia Upendo Maalum wa Mungu

Maudhui Yanayohusiana

  • Ni Kwa Kuuelewa Ukweli tu Ndio Mtu Anaweza Kuwa na Utambuzi

    Ee Mungu! Ninatoa shukurani kwa ajili ya ufunuo Wako na kupata nuru ambavyo vilinifanya nione ufukara wangu mwenyewe, upofu na jinsi nilivyokuwa wa kusikitisha, vilivyonifanya kutambua kwamba bila ukweli, mtu hawezi kuelewa kabisa kiini cha suala hili, badala yake akidanganywa tu na sura ya nje. Ni kwa kuelewa ukweli tu, mtu anapoweza kufanya kazi muhimu vyema.

  • Hukumu ni Mwanga

    Zhao Xia Mkoa wa Shandong Jina langu ni Zhao Xia. Nilizaliwa katika familia ya kawaida. Kutokana na ushawishi wa misemo kama “Kama vile mti huishi kw…

  • Kuibuka Kutoka Kwenye Ukungu

    Asante, Mwenyezi Mungu! Ni Wewe uliyenitunza na kunipa nuru na kuniongoza kujitoa katika pingu ambazo zilikuwa zimenidhibiti kwa miaka mingi sana, kuniruhusu kutoka katika ukungu. Zamani, sikukujua Wewe na mara nyingi niliishi katika kutoelewa, nisiweze kuamini neno Lako na kulichukulia kama tu la kuliwaza na kuwatia watu moyo. Sikulichukulia neno Lako kama ukweli na uzima, na zaidi sikukuchukulia wewe kama Mungu. Lakini Ulinivumilia, na Ulikuwa mwenye subira kwangu. Ulinipa nuru na kuangaza mwanga Wako kwangu, ili kwamba niwe na ufahamu kidogo wa kiini Chako cha haki na uaminifu. Hii hasa ni mfano kamili wa upendo Wako kwa mwanadamu.

  • Jitiishe Mwenyewe ili Kufundisha Wengine Nidhamu

    Xiaoyan Jiji la Xinyang, Mkoa wa Henan Nilikuwa na ubia wa kazi wa karibu na dada mmoja mzee katika masuala ya jumla. Baada ya kufanya kazi naye kwa …