Programu ya Kanisa la Mwenyezi Mungu

Sikiliza sauti ya Mungu na ukaribishe kurudi kwa Bwana Yesu!

Tunawakaribisha wote wanaotafuta ukweli wawasiliane nasi.

Neno Laonekana katika Mwili

Rangi imara

Mada

Fonti

Ukubwa wa Fonti

Nafasi ya Mstari

Upana wa ukurasa

(Ma)tokeo ya Kutafuta 0

Hakuna matokeo yaliyopatikana

Sura ya 26

Wanangu, yatilieni maanani maneno Yangu, sikiliza kwa utulivu sauti Yangu na Nitafichua kwako. Uwe na utulivu ndani yangu, kwa maana Mimi ni Mungu wako, Mkombozi wenu wa pekee. Mnatakiwa kutuliza mioyo yenu nyakati zote, mkae ndani yangu; Mimi ni mwamba wako, msaidizi wenu. Msiwe na nia nyingine, lakini mnitegemee kwa mioyo yenu yote na Mimi nitaonekana kwenu kwa hakika—Mimi ni Mungu wenu! Ah, wale wenye mashaka! Hakika hawawezi kusimama imara na hawatapata chochote. Lazima mjue sasa ni wakati gani, ni wakati muhimu kiasi gani. Ni jambo muhimu kivipi! Msishughulike huku na kule katika mambo yasiyo na manufaa; sogeeni karibu na Mimi haraka, fanyeni ushirika na Mimi, na nitafichua siri zote kwenu.

Lazima usikilize maneno yote ambayo Roho Mtakatifu anafundisha; usimpuuze. Mara nyingi umesikia maneno Yangu na kisha ukayasahau. Ee wasio na fikra! Umepoteza baraka nyingi sana! Lazima usikilize kwa makini sasa na utilie maanani maneno Yangu, ufanye ushirika zaidi na Mimi na kusogea karibu na Mimi zaidi. Nitakufundisha juu ya chochote ambacho haukielewi, nami Nitawaongoza kwenye njia inayoendelea. Uzingatie sana kushirikiana na watu wengine maana kuna watu wengi sasa wanaohubiri maandishi na mafundisho, na wachache ambao wana uhalisia Wangu kwa kweli. Kusikiliza ushirika wao kutakufanya uchanganyikiwe na uwe asiyejali, bila kujua jinsi ya kuendelea. Hata ukiwasikiliza, unaishia tu kuelewa kidogo zaidi kuhusu maandishi na mafundisho. Lazima muangalie hatua zenu, mlinde mioyo yenu na kuishi mbele Yangu daima, muwasiliane na Mimi, mnikaribie na nitakuwezesha kuona ambayo huyaelewi. Lazima uangalie kile unachosema, uangalie kwa karibu moyo wako nyakati zote na kutembea katika njia Ninayotembelea.

Haitakuwa muda mrefu sasa, bado kuna muda kidogo uliobaki. Fanya haraka kuacha vitu vyote isipokuwa Mimi na uje unifuate! Sitakutendea vibaya. Mara nyingi mmeelewa visivyo matendo Yangu, lakini je, unajua ni kwa kiasi gani Ninakupenda? Ah, huelewi moyo Wangu kabisa. Bila kujali jinsi ulivyokuwa na mashaka na Mimi au ni kiasi gani nilikudai hapo zamani, Sitakumbuka. Lakini bado Niliwachagua ili mweze kwenda mbele na kutenda kulingana na mapenzi Yangu.

Sasa ni wakati ambao hauvumilii kukawia. Ikiwa kutoka sasa na kuendelea mnayo nia nyingine basi hukumu yangu itawafikia. Ukiniacha kwa muda kidogo tu basi utakuwa kama mke wa Lutu. Kasi ya kazi ya Roho Mtakatifu sasa inakusanya kasi na wale ambao hawawezi kwenda kasi sawasawa na mwanga mpya wako katika hatari kubwa. Wale ambao hawaangalii wataachwa; mnapaswa kujilinda wenyewe. Unapaswa kujua kwamba vitu vyote vilivyo katika mazingira yanayo wazunguka vipo hapo kwa ruhusa Yangu, Mimi napanga yote. Oneni wazi na muridhishe moyo Wangu katika mazingira Niliyokupa. Msiogope, Mwenyezi Mungu wa majeshi hakika atakuwa pamoja nawe; Yeye anawasaidia na Yeye ni ngao yenu. Leo watu wana dhana nyingi sana na hili linanifanya Niweze kuonyesha mapenzi Yangu kupitia kwa wale ambao wanadharauliwa na wengine; wale ambao wanajisifu na kujidai, wenye kiburi na majivuno, wenye kutaka makuu na kujionyesha bora wataaibishwa. Ilimradi mnaonyesha kuzingatia kweli juu ya mzigo Wangu basi nitawaandaa kila kitu kwa ajili yenu. Nifuateni Mimi tu!

Iliyotangulia:Sura ya 25

Inayofuata:Sura ya 27

Maudhui Yanayohusiana

  • Sura ya 32

    Watu wanapokusanyika pamoja na Mimi, moyo Wangu unajawa na furaha. Mara moja, Ninatoa baraka zilizo mkononi Mwangu miongoni mwa binadamu, ili watu wa…

  • Kazi na Kuingia (7)

    Imemchukua mwanadamu mpaka siku hii kutambua kwamba kile mtu anachokosa si tu kuruzukiwa maisha ya kiroho na uzoefu wa kumjua Mungu, lakini, muhimu za…

  • Utangulizi

    “Maneno ya Mungu kwa Ulimwengu Mzima” ni sehemu ya pili ya matamshi yaliyoonyeshwa na Kristo. Ndani ya sehemu hii, Kristo Anatumia utambulisho wa Mung…

  • Kumwamini Mungu Kunapaswa Kulenge Uhalisi, Si Kaida za Kidini

    Je, ni desturi ngapi za kidini unazozizingatia? Ni mara ngapi umeasi dhidi ya neno la Mungu na kwenda kwa njia yako? Ni mara ngapi umetia katika vite…