1

Sauti ya kawaida inaniita mara kwa mara,

ikiiamsha roho yangu, ikiniamsha kutoka usiku mrefu.

Kupitia katika ukungu naona uso Wako unaotabasamu.

Kamwe sikuota kuwa ningeuona uso wa Mungu.

Mimi ni binadamu mpotovu, asiye na heshima,

lakini Mfalme mtukufu na mwenye heshima zaidi Anakuja kwangu.

Maneno Yako yanivutia, moyo wangu umejawa na furaha.

Kuishi mbele Yako kila siku ni utamu na furaha kamili.

2

Kimya mbele Yako, nasikiliza maneno Yako.

Maneno Yako ni yenye joto na nguvu.

Upendo katika hukumu na kuadibu Kwako vimeuamsha moyo wangu.

Naona kuwa maneno Yako ni ukweli, ya thamani sana!

Upendo Wako, wa dhati na mzuri,

huujaza moyo wangu na kuusisimua upendo wangu.

Kuna mengi sana ya kupenda ndani Yako na yamechongwa moyoni mwangu.

Kukupa moyo wangu na mapenzi yangu ni tamanio langu.

3

Uko wapi sasa, Mpendwa wangu?

Ninavyotamani sana upendo Wako, usiku usio na usingizi ni mrefu.

Unanipenda, kwa nini Ujifiche?

Moyo Wangu hauna amani wakati siwezi kuuona uso Wako.

Katika dhiki na majaribu, nakuita na kukutegemea.

Maneno Yako yakiniongoza, ni kama kuuona uso Wako.

Nikikupenda kwa moyo wangu wote, nikifuata nyayo Zako, nakua thabiti katika imani.

Kuishi kwa kufuata neno Lako kwanifanya nihisi mwenye amani na raha.

Kiitiko

Neno Lako ndilo ukweli na limeumiliki moyo wangu.

Kuishi kwa kufuata neno Lako ndicho kilele cha furaha.

Natamani kukupenda na kukushuhudia na kukufuata maisha yangu yote.

Kisha, ushuhuda wangu ukikamilika, nitaukaribisha uso Wako unaotabasamu Utakapoonekana mbele yangu.