Programu ya Kanisa la Mwenyezi Mungu

Sikiliza sauti ya Mungu na ukaribishe kurudi kwa Bwana Yesu!

Tunawakaribisha wote wanaotafuta ukweli wawasiliane nasi.

Ushuhuda wa Uzoefu Mbele ya Kiti cha Hukumu cha Kristo

Rangi imara

Mada

Fonti

Ukubwa wa Fonti

Nafasi ya Mstari

Upana wa ukurasa

(Ma)tokeo ya Kutafuta 0

Hakuna matokeo yaliyopatikana

91. Buriani kwa Kuwa “Mzuri”

Na Lin Fan, Hispania

Sauti ya mama yangu wa kambo akipiga unyende na kutukana ilisikika sana wakati wa utoto wangu. Baadaye, nilipoerevuka, ili kuelewana na mama yangu wa kambo na watu waliokuwa karibu nami, niliishi kulingana na sheria za kishetani za kuendelea kuishi za “Afadhali kunyamaza kuliko kudokeza shida; kaa kimya kwa ajili ya kujilinda na tafuta tu kuepuka lawama,” na “Kuwa mnyamavu kwa dosari za rafiki wa maana hufanya urafiki kuwa wa muda mrefu na mzuri.” Hii ilinifanya nisifiwe na wengine na kumfanya kila mtu aseme kuwa nilikuwa rahisi kupatana naye. Polepole, nilipata mafundisho kiasi ya maisha: Ili niendelee kuishi katika jamii hii ya giza na uovu, ningelazimika kuelewana vizuri na watu walio karibu nami. Wakati huo pekee ndipo ningepatana na watu. Baada ya kuja kanisani, bado nilitenda kulingana na kanuni zile zile. Kila nilipokutana na shida wakati wa kutimiza wajibu wangu, nilikaa kimya, nikiogopa kwamba kuonyesha shida hiyo kungewachukiza watu na kuwa kubaya kwangu. Kukosa kwangu kutenda ukweli kulidhuru kazi ya kanisa na kulikuwa dhambi mbele za Mungu. kuadibu na hukumu ya maneno ya Mungu vilinionyesha uso wangu wa kweli kama mtu “mzuri”, na vikaniruhusu nipate maarifa kiasi kuhusu kiini cha watu hao “wazuri”. Niliona kwamba kuwa “mzuri” kuliwadhuru wengine na kunidhuru, kwamba nilikuwa nimetembea kwenye njia isiyoweza kurejea—njia ya kumpinga Mungu—na kwa hivyo niliamua kuachana na vizuizi vya fikira yangu ya “kuwa mzuri”, kuwa na ujasiri wa kutenda ukweli na kufuata kanuni, na kuishi kwa kudhihirisha kiasi kidogo cha mfano wa mtu mwaminifu.

Mnamo mwaka wa 2018, nilichaguliwa kuwa kiongozi wa kiwango cha kati. Nilimshukuru Mungu sana kwa kunipa nafasi hii ya kujifunza, na nikaazimia kutekeleza wajibu wangu vizuri, kumridhisha Mungu, na kufikia matarajio ya Mungu kwangu. Wakati tu ambapo nilikubali wajibu wangu, sikujuana sana na mambo kadhaa ya kanisa. Dada Liu, ambaye niliunganishwa naye, alikuwa amefanya kazi hii kwa zaidi ya mwaka mmoja na alikuwa anajua kiasi vipengele mbalimbali vya kazi ya kanisa. Kila nilipokutana na shida, nilimuuliza Dada Liu, na mara kwa mara alinisaidia. Lakini polepole niligundua kuwa wakati wa mikutano, Dada Liu alizungumza tu juu ya maandiko na mafundisho, na hakuwa na uhalisi wa kutenda maneno ya Mungu. Alikuwa pia baridi sana na hakufanya kazi halisi ilipofika wakati wa kutekeleza wajibu wake. Ndugu walipompasha habari kuhusu matatizo, hakujaribu kuyatatua; hasa, hakuwashughulikia viongozi wa uwongo kanisani waliohitaji kubadilishwa kwa haraka, lakini badala yake aliendelea kuahirisha tatizo hilo. Wakati huo, Dada Liu alitaja, mara kadhaa, jinsi kiongozi wa kanisa Dada Zhang alivyopitia tu urasmi wa kisheria, jinsi ambavyo hakuwahi kufanya kazi halisi wakati wa kutekeleza wajibu wake, na hakuzungumza lolote ila maandiko na mafundisho wakati wa mikutano. Aidha, Dada Zhang hata hakukubali maoni au msaada wa wengine. Lakini baada ya kusema haya, Dada Liu hakuonekana kuwa na nia yoyote ya kumbadilisha Dada Zhang. Baadaye, nilipokutana na Dada Zhang, niligundua kweli alikuwa jinsi Dada Liu alivyokuwa amesema kumhusu, kwa hivyo nikamwambia Dada Liu, “Tukipima kile kinachodhihirishwa ndani ya Dada Zhang kulingana na kanuni, yeye ni kiongozi wa uwongo ambaye hafuatilii ukweli, hafanyi kazi halisi, na hana kazi ya Roho Mtakatifu. Anapaswa kubadilishwa.” Lakini Dada Liu alijibu tu kwa wepesi, “Huenda Dada Zhang hana uwezo wa kutosha, lakini hivi sasa bado ana uwezo wa kufanya kazi kiasi. Hebu tujaribu kumsaidia.” Moyoni mwangu, nilifikiri: “Katika mipango yetu ya kazi inasemekana kwamba mara tu viongozi wa uwongo wanapogunduliwa kanisani, lazima wabadilishwe mapema. Dada Zhang tayari amefichuliwa kama kiongozi wa uwongo, kwa hivyo anapaswa kubadilishwa!” Nilikuwa tu karibu kufungua kinywa changu na kusema haya, nilipojiwazia: “Dada Liu amekuwa akifanya kazi yake kama kiongozi kwa muda mrefu sana, anapaswa kujua mahitaji ya mipango ya kazi. Nikisisitiza, je, atafikiria ninasema kuwa hafanyi kazi halisi, atafikiria ninalalamika, na kuwa ni vigumu kuelewana nami? Ah! Mimi ni mgeni kwa jambo hili na kuna mengi ambayo sielewi. Nitakuwa nikifanya kazi naye kwa muda, pia—nikikosana na Dada Liu kwa sababu ya hili, tutatekelezaje wajibu wetu pamoja? Ninapaswa kusahau tu jambo hili!” Nilipofikiria hivi, sikusema chochote zaidi.

Baadaye, nilishiriki na Dada Zhang mara kadhaa, lakini hakukuwa na maendeleo katika hali yake. Kisha wale ndugu wengine kanisani wakaniarifu kwamba Dada Zhang hakuwa akifanya kazi halisi, na nikagundua kwamba suala hilo lilikuwa la haraka. Bila kupoteza wakati wowote, nilirudi kwa Dada Liu kujadili kuhusu kumbadilisha Dada Zhang. Lakini Dada Liu alianza kutoa visingizio: “Viongozi wa ngazi ya juu wanathibitisha barua za mashtaka. Atabadilishwa watakapothibitisha kuwa yeye ni kiongozi wa uwongo.” Moyoni mwangu nilifikiri, “Ikiwa kweli yeye ni kiongozi wa uwongo, lazima abadilishwe haraka iwezekanavyo. Tukisubiri zithibitishwe kabla ya kumbadilisha, kazi ya kanisa itacheleweshwa, na kuingia kwa ndugu katika maisha kutacheleweshwa, pia. Huku ni kwenda kinyume na Mungu!” Nilitaka kuzungumza na Dada Liu juu ya umuhimu wa kuwabadilisha viongozi wa uwongo, lakini tena nikawaza: “Nikitoa hoja kuhusu kumbadilisha Dada Zhang, je, Dada Liu atadhani kuwa mimi ni mwenye kiburi na majivuno sana, kwamba ninajaribu tu kujithibitisha katika cheo changu kipya kwa kuringa mahali hapa? Aidha, Dada Liu hakuwa amesema kwamba Dada Zhang hangeshughulikiwa; alikuwa amesema tu tusubiri uthibitisho kutoka kwa viongozi wa ngazi ya juu kabla ya kufanya chochote—hivyo ni afadhali ninyamaze. Itakuwa kwa siku chache tu.” Hivyo nilinyamaza. Siku kadhaa baadaye, viongozi wa ngazi ya juu walitusuta kwa ukali sisi viongozi wa ngazi ya katikati kwa kutomshughulikia mara moja kiongozi huyo wa uwongo aliyekuwa kanisani. Walisema kwamba hatukuwa tukiwalinda wateule wa Mungu, kwamba tulikuwa washiriki na kinga ya Shetani, kwamba tulikuwa tukiwadhuru ndugu wale wengine. Wakati ule tu ndipo Dada Zhang alipoondolewa haraka. Wakati jambo hili lilipokuwa likitatuliwa, niligundua kuwa Dada Zhang hakuwa amefanya kazi yoyote halisi kwa muda mrefu. Hakuwa amewahi kufanikiwa katika kazi ya injili ya kanisa ambayo alikuwa akiwajibikia, na ndugu wote waliishi kati ya uhasi na udhaifu. Wengine hawakutaka hata kwenda kwenye mkutano. Nilihisi kujisuta sana moyoni mwangu nilipoona jinsi kutoshughulikia kiongozi wa uwongo mara moja kulisababishia kanisa madhara makubwa. Hata hivyo sikutumia muda zaidi kutafakari juu ya jambo hili na kujaribu kujijua, nikiamini kuwa ilitosha kwamba Dada Zhang alikuwa amebadilishwa.

Baada ya hapo, matatizo makubwa yalianza kutokea katika vipengele vyote vya kazi kutoka kwa makanisa ambayo Dada Liu aliyawajibikia. Alipopogolewa na kushughulikiwa na viongozi wa ngazi ya juu, hakukosa hakutubu, tu lakini pia aliishi katika uhasi na upinzani, akikosa tena ridhaa ya kutekeleza wajibu wake. Nilipoona hali ya Dada Liu, nilitaka kumwonyesha matatizo haya ili aweze kuyatafakari, lakini pia nilikuwa na wasiwasi: “Nikimwambia ajitafakari, je, atasema kuwa sionyeshi huruma kwake, kwamba simpendi? Ingekuwa vigumu kufanya kazi pamoja mambo yakiwa baridi kati yetu.” Baada ya kufikiria hilo kiasi, nilishiriki naye kuhusu mapenzi ya Mungu kwa njia isiyo wazi sana, na nikamshauri aache kuwa hasi. Baada ya hapo, Dada Liu alilalamika mara nyingi, na kubishana juu ya mema na mabaya—bila shaka hakuwa na kazi ya Roho Mtakatifu. Nilifikiria jinsi ambavyo Dada Liu hakuwa amewahi kufanya kazi halisi tangu tulipofanya wajibu wetu pamoja, na juu ya jinsi ambavyo, alipopogolewa na kushughulikiwa, hakukubali hayo au kujaribu kutafuta ukweli. Huu ulikuwa udhihirisho wa kiongozi wa uwongo! Ni wakati huo ndipo viongozi wa ngazi ya juu waliniomba niandike tathmini ya Dada Liu. Nilihisi mgongano moyoni mwangu kabisa: Je, ninapaswa kusema ukweli kuhusu yale ambayo yamekuwa yakidhihirishwa kwa kawaida ndani ya Dada Liu? Nisingeripoti jambo hili, ningekuwa nikimficha kiongozi wa uwongo na kutotetea kazi ya nyumba ya Mungu. Lakini ndugu wengi hawakujua kilichokuwa kikiendelea kwa kweli Hawakuweza kutambua hili, na wote walikuwa wakimuunga mkono Dada Liu sana. Je, kama ningethubutu kuripoti matatizo yake, wangenifikiria vibaya? Aidha, niliishi na Dada Liu kila siku. Alikuwa amenisaidia nilipokuwa na matatizo. Kama ningeripoti matatizo yake na kwa kweli abadilishwe, angenichukia? Na kwa hivyo, baada ya kupima ubaya na uzuri, sikuonyesha kikamilifu udhihirisho wa kushindwa kwa Dada Liu kufanya kazi halisi na ukosefu wa kuingia wakati wa kuandika tathmini yake. Baada ya tathmini hiyo kuwasilishwa, nilihisi wasiwasi mkubwa moyoni mwangu. Niligundua kuwa nilikuwa nimeficha ukweli na kumdanganya Mungu. Katika roho yangu, nilihisi lawama kubwa. Katika siku chache zilizofuata, ningesinzia nilipokuwa nikisoma maneno ya Mungu, na singepata nuru au mwangaza wakati wa mikutano na ushirika. Sikuweza kuhisi mwongozo wa Mungu, wala sikuweza kutambua matatizo kanisani. Siku kadhaa baadaye, baada ya kufanya uchunguzi na kuthibitisha kwamba Dada Liu alikuwa kiongozi wa uwongo ambaye hakufanya kazi halisi, viongozi wa ngazi ya juu walimwondoa. Ingawa Dada Liu alikuwa ameondolewa, kwa ajili ya kudumisha uhusiano wangu na yeye nilikuwa nimeachana na ukweli na kutenda dhambi. Nilipofikiria hili, nilijawa na aibu na kujilaumu. Nilimwomba Mungu mara moja na nikaanza kujitafakari.

Baadaye, nilisoma katika maneno ya Mungu kwamba “Vipengele vya msingi na muhimu zaidi vya ubinadamu wa mtu ni dhamiri na mantiki. Mtu asiye na dhamiri na ambaye hana mantiki ya ubinadamu wa kawaida ni mtu wa aina gani? Kwa ujumla, ni mtu asiye na ubinadamu au mtu mwenye ubinadamu mbaya. … Watu kama hawa ni wazembe katika matendo yao na wanajitenga kutoka kwa chochote ambacho hakiwahusu wao binafsi. Hawafikirii masilahi ya nyumba ya Mungu wala hawazingatii mapenzi ya Mungu. Hawabebi mzigo wowote wa kumshuhudia Mungu au kutekeleza wajibu wao, na hawawajibiki. … Hata watu ambao wanapoona tatizo wanabaki kimya. Wanaona kwamba wengine wanakatiza na kuvuruga, lakini hawafanyi chochote kuwakomesha. Wao hawajali maslahi ya nyumba ya Mungu hata kidogo, wala hawafikirii kabisa wajibu wao au majukumu yao ambayo kwayo wamefungwa. Wanazungumza, kutenda, kuwa tofauti, kujitahidi, na kutumia nguvu tu kwa ajili ya ubatili, hadhi, nafasi, maslahi, na heshima zao wenyewe” (“Unaweza Kupata Ukweli Baada ya Kumkabidhi Mungu Moyo Wako Halisi” katika Kumbukumbu za Maongezi ya Kristo). Nilisoma pia ushirika ambao ulisema hivi, “Wote wanaoona sura ya viongozi wa uwongo na wapinga Kristo, ambao wanaweza kuwatambua, lakini hawafanyi jukumu lao, hawalindi wateule, wala kuitetea kazi ya Mungu, wakiogopa kuwakosea watu, wakiwa ‘wazuri’—watu kama hawa hampendi Mungu, na Mungu hawakamilishi watu kama hao. Mungu hawakamilishi watu ‘wazuri’; watu kama hawa ni wajanja, wadanganyifu, wenye kudhuru kwa siri, wao hufuata popote upepo unapovuma, wao si kitu kizuri, ni mfano bora wa ibilisi na Shetani” (“Uhusiano Kati ya Kufuatilia Upendo wa Mungu na Kukamilishwa” katika Mahubiri na Ushirika Kuhusu Kuingia Katika Maisha IX). Kusoma maneno ya Mungu na ushirika huu vilinisababishia dhiki kubwa sana, na sikuweza kuzuia machozi ya aibu. Niliona kuwa nilikuwa mtu “mzuri,” kwamba ningefanya kila niwezalo kujilinda iwapo jambo lingetokea, sikufanya chochote kutetea masilahi ya nyumba ya Mungu, na sikuwajibikia kazi ya kanisa na kuingia kwa ndugu katika maisha. Nilijua vizuri kabisa kuwa Dada Zhang alikuwa amefunuliwa kama kiongozi wa uwongo. Kazi ya kanisa, na kuingia kwa ndugu katika maisha, mambo ambayo alikuwa akiwajibikia yalikuwa yamezuiwa, na nilijua kwamba kutowaondoa mara moja viongozi wa uwongo ni kutenda dhambi dhidi ya Mungu na kukosea tabia ya Mungu, lakini niliona ni afadhali kwenda kinyume na dhamiri yangu na kumchukiza Mungu kuliko kuwachukiza watu—na kutokana na hilo kiongozi huyo wa uwongo aliendelea kuwadhuru wateule wa Mungu kanisani kwa zaidi ya miezi miwili. Licha ya hayo, bado sikujichunguza. Maswala mazito yalipotokea katika kazi mbalimbali ambayo Dada Liu alikuwa akiwajibikia, na hakukosa tu kukubali kupogolewa na kushughulikiwa na viongozi wa ngazi ya juu, lakini pia alipinga kwa uhasi, ningefaa kutoa msaada mara moja na kutoa vidokezo, na ningefaa kufunua na kuchangua asili na matokeo ya udhihirisho kama huo, ili dada huyo aweze kutubu mara moja. Hata hivyo, nilikuwa nimelinda masilahi yangu mwenyewe, na kutoa maneno machache tu ya faraja na ushauri. Nilipoombwa kuandika tathmini ya Dada Liu, nilikuwa nikijua wazi kuwa tayari alikuwa amepoteza kazi ya Roho Mtakatifu, kwamba hakuweza kutatua matatizo kanisani, kwamba alikuwa kiongozi wa uwongo—lakini ili kulinda hadhi yangu mwenyewe, nilikuwa nimejaribu kuficha ukweli wa kweli na kumficha Dada Liu. Niliona kwamba nilikuwa nimemlinda kiongozi wa uwongo tena na tena, kwamba niliona ni afadhali kazi ya kanisa iteseke kuliko kutenda ukweli na kufuata haki, kwamba nilijali tu maslahi yangu, na sikufikiri hata kidogo kuhusu kazi ya kanisa au ikiwa ndugu waliishi au kufa; kwa kufanya hivyo, nilikuwa ngao ya kinga kwa kiongozi wa uwongo, nilikuwa mshiriki wa Shetani ambaye hukuja kuingilia na kuvuruga kazi ya nyumba ya Mungu. Ubinadamu wangu ulikuwa wapi? Nilikuwa mtu “mzuri,” ambaye alikuwa mbinafsi na asiye na aibu, mlaghai na mjanja! Kanisa lilikuwa limenipa jukumu muhimu sana. Nilisema kwa sauti kubwa kwamba nilitaka kulipa upendo wa Mungu na kumridhisha Mungu, lakini kwa kweli nilikuwa nimejaribu kumdanganya Mungu, na baada ya kukutana na matatizo, daima nilinyoosha viwiko vyangu kwa kusimama upande wa Shetani kumpinga Mungu. Matendo yangu yalikuwa yamekosea tabia ya Mungu kwa muda mrefu, yalikuwa yamepata dharau na chuki ya Mungu. Aibu yangu haikuwa na mwisho. Sikuwa na budi ila kumwomba Mungu: “Ee Mungu! Nimeenda kinyume na mapenzi Yako mara kwa mara, nikijilinda, kutotenda ukweli, kuzuia kazi ya kanisa, nikidhuru maisha ya ndugu. Nimeasi dhidi Yako, nimekupinga, na nisipotubu, nitapatwa na adhabu ya haki Yako. Ee Mungu! Nimekosea, natamani kutubu Kwako, kutenda ukweli ili kufidia makosa yangu.”

Baadaye, wakati wa mkutano, ndugu waliripoti juu ya jinsi ambavyo Ndugu Li, ambaye nilifanya naye kazi, hakuwa akifanya kazi halisi. Waliripoti kwamba alipitia tu urasmi wa kisheria wakati wa mikutano, na hakufanya ushirika wala kutafuta suluhisho mara moja walipokutana na matatizo na ugumu katika kutekeleza wajibu wao. Baadaye, nilimtafuta Ndugu Li ili kushiriki naye mara kadhaa. Lakini alikubaliana tu na kile nilichosema; baada ya kukubali kwa haraka, yaliishia hapo. Baada ya muda kiasi, ndugu walianza kuripoti tena juu ya udhihirisho wa Ndugu Li wa kutofanya kazi halisi, jambo ambalo kwa muda mrefu lilikuwa kikwazo kwa kazi ya kanisa na kuzuia isiendelee. Alipopimwa kulingana na kanuni, Ndugu Li alikuwa pia kiongozi wa uwongo ambaye hakufanya kazi halisi. Ninapaswa kuripoti jambo hili mara moja kwa viongozi wa ngazi ya juu na kumfanya aondolewe. Lakini habari ya kumripoti Ndugu Li ilipotajwa, wasiwasi na masikitiko yalirudi moyoni mwangu: “Ndugu Li amekuwa akifanya wajibu wake hapa kwa muda mrefu kuliko sisi sote. Anafikiriwa kuwa ‘mzee wa kanisa.’ Mimi pia hutafuta ushauri wake mara nyingi kuhusu masuala ya kanisa, na yeye daima hunisaidia. Akijua ripoti yangu itampelekea yeye kuondolewa, atafikiri nini kunihusu? Je, atasema kuwa sina shukrani? Ingekuwa jambo la kutahayarisha wakati ambapo tungekutana baada ya hapo. Wafanyikazi wenza wengine kadhaa hawajamripoti Ndugu Li; kwa hivyo, ni bora nisithubutu, sipaswi kuleta fujo, na ingekuwa bora nisishughulikie jambo hilo hadi viongozi wa ngazi ya juu watakapoligundua. Lakini nisiporipoti hali hiyo mara moja na kumfanya Ndugu Li aondolewe, nitakuwa nikichelewesha kuingia kwa ndugu katika maisha, na nitakuwa nikiingilia na kukatiza kazi ya kanisa.” Wakati huo, nilihisi mgongano sana moyoni mwangu, sikujua la kufanya, kwa hivyo bila kupoteza wakati wowote nilimwomba Mungu na kutafuta. Nilifikiri juu ya maneno ya Mungu: “Lazima daima uwe na maneno Yangu yakifanya kazi ndani yako, bila kujali ni nani unayemkabili; lazima uweze kusimama imara katika ushuhuda wako Kwangu na ufikirie mizigo Yangu. Hupaswi kuchanganyikiwa, ukikubaliana bila kufikiri na watu bila kuwa na mawazo yako mwenyewe, ila badala yake lazima uwe na ujasiri wa kusimama na kupinga vitu visivyotoka Kwangu. Ukijua kwa dhahiri kwamba jambo si sahihi, ilhali unyamaze, basi wewe si mtu anayetenda ukweli. Ukijua kwamba jambo si sahihi na kisha ugeuze mada, lakini Shetani azuie njia yako—unazungumza bila athari yoyote na huwezi kuvumilia hadi mwisho—basi bado unabeba woga moyoni mwako, na moyo wako bado haujazwi na fikira kutoka kwa Shetani?” (“Sura ya 12” ya Matamko ya Kristo Mwanzoni katika Neno Laonekana katika Mwili). “Wote wamesema kwamba wangeweza kuudhukuru mzigo wa Mungu na kutetea ushuhuda wa kanisa. Ni nani ambaye kweli amefikiri kwa makini kuhusu mzigo wa Mungu? Jiulize: Je, wewe ni mtu ambaye ameonyesha nadhari kwa mzigo wa Mungu? Je, unaweza kutenda haki kwa ajili ya Mungu? Je, unaweza kusimama na kuzungumza kwa ajili Yangu? Je, unaweza bila kusita kuweka ukweli katika vitendo? Je, wewe ni jasiri vya kutosha kupambana dhidi ya matendo yote ya Shetani? Je, unaweza kuwa na uwezo wa kuweka hisia zako kando na kufichua Shetani kwa sababu ya ukweli Wangu? Je, unaweza kuyaruhusu mapenzi Yangu yatimizwe ndani yako? Je, umejitolea moyo wako wakati muhimu unapowadia? Je, wewe ni mtu ambaye hufanya mapenzi Yangu?” (“Sura ya 13” ya Matamko ya Kristo Mwanzoni katika Neno Laonekana katika Mwili). Katika maswali yote ya Mungu ya kusuta kulikuwa na matarajio Yake kwangu. Kitu kilipotokea kanisani ambacho kilikiuka kanuni za ukweli, Mungu alinitarajia nisimame upande wa Mungu, niwe na ujasiri wa kufichua Shetani na kutetea kazi ya kanisa, na kupambanua haki. Lakini kutokana na yale yaliyofichuliwa na kudhihirishwa ndani yangu, sikuwa mtu ambaye alikuwa akifikiri juu ya mapenzi ya Mungu au kutenda ukweli. Nilipoona kuwa Ndugu Li alikuwa kiongozi wa uwongo na alihitaji kubadilishwa, kwa ajili ya kulinda maslahi yangu mwenyewe na kutetea taswira yangu moyoni mwake, nilisita kuripoti hali hiyo hata nilipogundua matatizo, nikijaribu kupitisha jambo hili kwa viongozi wa ngazi ya juu ili lishughulikiwe, bila kudhukuru hata kidogo maslahi ya nyumba ya Mungu. Niliona jinsi asili yangu ilivyokuwa yenye ubinafsi na ujanja! Kwa nini, ilipofika wakati muhimu, nilikuwa “mzuri” kila wakati, na sikuthubutu kusimama na kutetea kazi ya kanisa?

Baadaye, nilisoma maneno ya Mungu: “Tabia ya upotovu ya mwanadamu inatokana na hali yake ya kupewa sumu na kukanyagwa na Shetani, kutokana na madhara mabaya sana ambayo Shetani ameweka katika mawazo yake, maadili, ufahamu, na hisia. Ni hasa kwa sababu mambo haya ya msingi ya mwanadamu yamepotoshwa na Shetani, na ni tofauti kabisa na jinsi Mungu aliwaumba kwa asili, kwamba mwanadamu humpinga Mungu na haelewi ukweli” (“Kuwa na Tabia Isiyobadilika Ni Kuwa katika Uadui na Mungu” katika Neno Laonekana katika Mwili). “Punde unapoamini na kuwa na amini, unapokuja mbele ya Mungu lakini bado unaishi katika njia hiyo hiyo ya zamani, je, imani yako katika Mungu ni ya maana? Je, ni ya thamani? Malengo na kanuni za maisha yako na jinsi unavyoishi havijabadilika, na kitu cha pekee ambacho kinakuweka juu ya wasioamini ni kumkubali kwako Mungu. Unaonekana kuwa unamfuata Mungu, lakini tabia yako ya maisha bado haijabadilika hata kidogo. Mwishowe, hutaokolewa. Hali ikiwa hivyo, je, hii si imani tupu na furaha tupu?” (“Ni kwa Kuweka Ukweli Katika Vitendo Tu Ndipo Unaweza Kutupa Minyororo ya Tabia Potovu” katika Kumbukumbu za Maongezi ya Kristo). Kisha nikasoma maneno haya katika ushirika: “Je, watu walio ndani ya kanisa, ambao wanaishi kwa kufuata falsafa ya Shetani na wanaojaribu kamwe kutomkosea mtu yeyote, wanaweza kusifiwa na Mungu? Bila shaka hawawezi kusifiwa na Mungu. Wale ambao hujaribu kutowakosea wengine kamwe hawatoi ushuhuda wowote. Hawasimami upande wa Mungu, na kimsingi hawamtii Mungu. Watu ambao hujaribu kamwe kutowakosea wengine hawana uhalisi wa ukweli, kwa hivyo hawawezi kuokolewa! Wale ambao hujaribu kamwe kutowakosea wengine wamepotoshwa sana na Shetani na wanaishi kulingana na falsafa ya Shetani. Wengine huwaona kama watu wazuri, lakini Mungu huwaona kama wanadamu ambao hawana kanuni za ukweli, na wanaosimama upande wa Shetani na kumtii Shetani. Je, hali siyo hii? Kuna watu wengi kama hawa ndani ya kanisa siku hizi. Maoni yao yasipobadilika, basi siku moja, wataangamia. Ikiwa huwezi kusimama upande wa Mungu, basi umefikia mwisho wako” (Mahubiri na Ushirika Kuhusu Kuingia Katika Maisha, Juzuu ya 151) Kusoma maneno haya kulinipa nuru moyoni mwangu. Wakati huo tu ndipo nilifahamu kwamba sababu yangu ya kulinda masilahi yangu mwenyewe na kujaribu kuwa “mzuri” daima wakati kulikuwa na suala ilikuwa ni kwamba sheria za Shetani za kuendelea kuishi—“Afadhali kunyamaza kuliko kudokeza shida; kaa kimya kwa ajili ya kujilinda na tafuta tu kuepuka lawama,” “Taabu ndogo zaidi, bora zaidi,” na “Kuwa mnyamavu kwa dosari za rafiki wa maana hufanya urafiki kuwa wa muda mrefu na mzuri”—zilikuwa zimekuwa maisha yangu kwa muda mrefu, hivi kwamba tangu nilipokuwa mchanga, nilikuwa mwangalifu na nilidhukuru katika muingiliano wangu na familia, majirani, na marafiki zangu, nikifikiria kuwa ningekuwa tu na nafasi ulimwenguni kama ningekuwa na uhusiano mzuri na wengine na kutomkosea mtu yeyote. Hata nilipowaona watu wengine wakifanya vitu vibaya, sikuthubutu kusema lolote juu ya hilo; nililinda tu maslahi yangu mwenyewe na kuishi bila kujiheshimu. Baada ya kuanza kumwamini Mungu na kutekeleza wajibu wangu, niliendelea kutenda kulingana na sheria hizi za Shetani za kuendelea kuishi. Nilipoona kiongozi wa uwongo akitokea kanisani ambaye alileta hasara katika kazi ya kanisa, jambo la kwanza nililofikiria lilikuwa maslahi yangu mwenyewe; afadhali nimkosee Mungu kuliko watu wengine, sikuthubutu kufuata kanuni za ukweli na kusimama upande wa Mungu, na tena na tena, sikujali kazi ya kanisa. Nilikuwa mtumwa wa Shetani, na nilidharauliwa na Mungu. Wakati huu, nilipogundua Ndugu Li alikuwa kiongozi wa uwongo, nilijaribu bado kuishi kulingana na falsafa za Shetani za muingiliano wa watu, ili kudumisha taswira yangu moyoni mwake. Nilikuwa nikiyadhukuru masilahi yangu mwenyewe. Niliona kuwa, kwa kuishi kulingana na mtazamo wa maisha wa kuwa “mzuri,” nilikuwa nimekuwa mbinafsi zaidi na mwenye aibu, mjanja na mdanganyifu, bila mfano wowote wa ubinadamu. Wakati huo huo, nilikuja kujua kuwa watu “wazuri” pia ni wanafiki na wenye kujipendekeza, hawafanyi chochote isipokuwa kukatiza na kuvuruga kazi ya nyumba ya Mungu katika kila kipengele, ni vikaragosi wa Shetani ambao ni wataalam katika kudhuru na kuleta uharibifu juu ya wengine, wao ni mbwa wanaokimbia, maadui wa Mungu. Mungu anawadharau na kuwachukia watu ambao ni “wazuri,” na hawaokoi au kuwakamilisha. Kama singetubu, na kuendelea kutembea kwenye njia ya mtu “mzuri,” mwishowe ningeondolewa na kuadhibiwa na Mungu! Huku nikijua hili, niligundua kuwa hali yangu ilikuwa hatari sana, kwamba singeendelea hivi; lazima kweli nitubu kwa Mungu, nitende ukweli, na kuwa mtu mwenye kupambanua haki.

Baadaye, niliripoti hali ya Ndugu Li kwa viongozi wa ngazi ya juu. Baada ya uchunguzi na thibitisho lao, walibaini kwamba Ndugu Li alikuwa kiongozi wa uwongo na waliniomba nimwachishe wajibu wake. Nilipofikiri kuhusu kumbadilisha Ndugu Li—kuhusu kumfichua na kumchangua kwa ajili ya kutofanya kazi halisi—nilihisi woga kiasi moyoni mwangu; Sikutaka kuonana naye, niliogopa kumtia uchungu. Wakati huo, nilifikiri juu ya maneno ya Mungu: “Ikiwa una nia na mtazamo wa ‘mtu mzuri,’ kila wakati utaanguka chini na utashindwa katika mambo haya. Kwa hivyo unapaswa kufanya nini katika hali kama hizi? Unapokabiliwa na vitu kama hivyo, lazima uombe kwa Mungu. Omba kwamba Mungu akupe nguvu, kwamba Akuruhusu ufuate kanuni, ufanye kile ambacho unapaswa kufanya, ushughulikie vitu kulingana na kanuni, uwe imara, na usiruhusu uovu uijie kazi ya nyumba ya Mungu. Ikiwa unaweza kutelekeza masilahi yako mwenyewe, heshima na mtazamo wa ‘mtu mzuri,’ ukifanya kile unachopaswa kufanya kwa moyo mwaminifu, na kamili, basi utakuwa umemshinda Shetani, na utakuwa umepata kipengele hiki cha ukweli” (“Ni Wakati Unapojijua Tu Ndipo Unaweza Kufuatilia Ukweli” katika Kumbukumbu za Maongezi ya Kristo). Katika ushirika inasemekana kuwa “Wateule wengine wa Mungu wanapambanua haki; kwa ajili ya kulinda wateule na kazi ya nyumba ya Mungu, wana ujasiri wa kufunua viongozi wa uwongo na wapinga Kristo. Watu kama hao ni waaminifu na wakweli, wapendwa wa Mungu, na ndio ambao kweli wanapenda ukweli. Ni wale tu ambao wanapenda ukweli na walio na maonyesho halisi ndio wanaotubu kwa kweli, na wao hasa ndio wataokolewa” (“Mahubiri na Ushirika Kuhusu Neno la Mungu ‘Mungu Mwenyewe, Yule wa Kipekee II’ (XX)” katika Mahubiri na Ushirika Kuhusu Kuingia Katika Maisha XII”). Kutoka kwa maneno ya Mungu na ushirika huu, inaweza kuonekana kuwa Mungu anawapenda wale ambao ni waaminifu na wanapambanua haki, kwamba hawa ndio aina ya watu ambao wataokolewa na kukamilishwa. Leo, kiongozi wa uwongo alikuwa ameonekana kanisani. Mungu alikuwa akiangalia jinsi ambavyo nilishughulikia jambo hili, ikiwa nililinda masilahi yangu mwenyewe au nilizingatia masilahi ya kanisa, ikiwa niliweza kutenda ukweli na kutofanya makubaliano na Shetani. Hapo zamani, sikuzingatia mapenzi ya Mungu, na nilisaliti matumaini ya Mungu kwangu. Wakati huu, kuhusiana na suala la kumbadilisha Ndugu Li, ningekubali uchunguzi makini wa Mungu, ningerekebisha nia zangu mwenyewe, na bila kujali Ndugu Li alinifikiria au kunitendea vipi, lazima nisilinde masilahi yangu mwenyewe tena. Kufichua na kubadilisha viongozi wa uwongo kulikuwa wajibu wangu wa lazima, na lilikuwa jukumu langu; ninapaswa kutetea kazi ya kanisa, kudhukuru kuingia kwa maisha kwa ndugu, kusimama upande wa Mungu, na kumbadilisha Ndugu Li na kufichua udhihirisho wake mara moja. Kama Ndugu Li angekuwa mtu aliyefuatilia ukweli, basi kubadilishwa kwake kungemsaidia kujitafakari, jambo ambalo lingekuwa la msaada kwa kuingia kwake katika maisha, na kumzuia kutenda dhambi nyingi zaidi mbele za Mungu. Kwa hivyo nilimwomba Mungu: Mungu na aniongoze, na kunipa ujasiri wa kufanya ushirika na Ndugu Li. Baada ya kufunua na kuchangua kila udhihirisho wa kushindwa kwa Ndugu Li kufanya kazi halisi, hakukosa tu kunichukia, lakini pia alitubu na kusema, “Kwamba nimebadilishwa leo ni haki ya Mungu. Ni upendo na ulinzi wa Mungu kwangu. Usingenionyesha jambo hili, nisingejua jinsi madhara niliyokuwa nikilifanyia kanisa yalivyokuwa makubwa. Shukrani kwa Mungu! Nitatafakari juu ya hili. Niambie ni upotovu gani mwingine ulio ndani yangu; itanisaidia kujitafakari vizuri.…” Niliposikia maneno ya Ndugu Li, nilihisi kuguswa; Nilikuwa nimehisi kuwa kufunua udhihirisho wake kungemdhuru, lakini ikatukia kwamba haya yalikuwa mawazo yangu. Nisingemwonyesha, ningekuwa kweli nikimdhuru. Wakati huo, nilihisi kuwa imara na mwenye amani katika roho yangu, na hasa karibu na Mungu. Hivyo pia ndivyo nilivyothamini kwa kweli kwamba ni kwa kutenda ukweli pekee na kusimama katika upande wa haki ndiyo ningeweza kuwasaidia ndugu kwa kweli. Baadaye, nilipowaona ndugu wakivunja kanuni za ukweli, bado ningefichua mtazamo wa kuwa “mzuri” na kuogopa kuwakosea wengine, lakini mara moja ningefika mbele za Mungu kuomba, nikijikana na kuchukulia vitu hivi kulingana na kanuni za ukweli. Shukrani kwa Mungu. Kuweza kwangu kuwa na utendaji mdogo na kuingia ni matokeo ya maneno ya Mungu!

Baada ya kupitia hukumu na kuadibu kwa maneno ya Mungu na kuwekwa wazi kwa ukweli, niliona kwamba wale ambao ni “wazuri” ni wajanja, wenye roho mbaya, wasio na dhamiri au ubinadamu, na hawana nafasi ya kuokolewa na Mungu. Nilishukuru pia kwa mwongozo na uongozi wa maneno ya Mungu; vilikuwa vimeniruhusu niondoe vizuizi vya mawazo yangu ya kuwa “mzuri,” na kuishi kwa kudhihirisha mfano kiasi wa mtu mwaminifu. Wakati wa kupata uzoefu, nilikuwa nimethamini sana jinsi ambavyo ukweli na haki vina mamlaka katika nyumba ya Mungu. Katika nyumba ya Mungu, ni watu ambao hutenda ukweli pekee, ambao hutenda kulingana na kanuni za ukweli, na ni watu wakweli na wanaopambanua haki ndio wanaoweza kusimama imara na kukubaliwa na Mungu. Hapo baadaye, nitafanya yote niwezayo kufuatilia ukweli, kuwa mtu mwenye kupambanua haki, kutekeleza wajibu wangu vizuri na kumridhisha Mungu, na kuleta faraja kwa moyo Wake!

Iliyotangulia:Nahisi Nikiwa Mwepesi Zaidi Baada Ya Kutupilia Mbali Minyororo ya Hadhi

Inayofuata:Kuingiza kwenye Njia ya Imani katika Mungu

Maudhui Yanayohusiana

  • Kuinuka Kupitia Ukandamizaji wa Giza

    Mo Zhijian Mkoa wa Guangdong Nilizaliwa katika eneo maskini, la mbali lenye milima ambako tumefukiza na kumwabudu Budha kwa vizazi vingi. Kuna hekalu…

  • Kanuni Zangu za Maisha Ziliniacha Nikiwa Nimeharibika

    Maneno ya kawaida “Wote huwekelea mizigo kwa farasi anayekubali” ni ambayo mimi binafsi ninayafahamu sana. Mimi na mume wangu sote tulikuwa hasa watu wasio na hatia: Wakati wa masuala yaliyohusisha faida au hasara yetu binafsi, hatukuwa aina ya watu wa kubishana na kusumbuana na wengine. Pale ambapo tuliweza kuwa wavumilivu tulikuwa wavumilivu, pale ambapo tungeweza kuwa na fadhila tulifanya tulivyoweza kuwa na fadhila. Kama matokeo yake, mara nyingi tulijipata tukiwa tumedanganywa na kudhulumiwa na wengine.

  • Nilipitia Wokovu wa Mungu

    Mungu mpendwa, asante! Kupitia uzoefu huu, ninatambua kwamba wokovu Wako ni wa kweli na hukumu Yako na kuadibu vimejaa upendo. Bila hukumu Yako na kuadibu, singewahi kamwe kujitazama kwa kweli. Ningendelea kuishi katika upotovu, hali yangu ikiendelea kuharibika, kukanyagwa na Shetani na hatimaye kubebwa naye. Kupitia uzoefu huu, nilitambua pia kuwa kiini Chako ni upendo na kwamba matendo Yako yote yanalenga kuwaokoa wanadamu. Mungu, ninaapa kujiwekeza kikamilifu katika kutafuta ukweli na kuanza upya. Bila kujali matokeo ni yapi, ninaapa kutimiza wajibu wangu wa kiumbe ili kuyaridhisha mapenzi Yako.

  • Kwa Nini Nimetembea Njia ya Mafarisayo

    Petro alikamilishwa kwa sababu alimpenda Mungu kweli na kwa sababu alikuwa na hiari na uvumilivu wa kutafuta ukweli. Ingawa niko mbali na hilo, sitaishi kwa namna ya kuchukiza na isiyovutia tena ili kujihifadhi; niko tayari kufanya kumpenda Mungu kuwa lengo langu katika kutafuta na nitatumia juhudi zote na kulipa gharama katika kutimiza wajibu wangu. Kweli nitaubeba mzigo wa majukumu yangu na kutia ukweli katika vitendo wakati ninatimiza wajibu na kuingia katika uhalisi wa kumpenda Mungu.