Ujumbe wa Mhariri: Katika miaka ya hivi karibuni, tukio la mbinguni la “mwezi wa damu” limeonekana mara kwa mara. Majanga mbalimbali kama vile magonjwa ya kuenea kote, matetemeko ya ardhi, na njaa yanazidi kuwa mabaya zaidi na zaidi. Unabii wa Biblia kuhusu siku za mwisho umetimia kwa kiasi kikubwa. Majanga makuu sasa yametufikia, hivyo tunapaswa kukaribishaje kurudi kwa Bwana? Makala hii ina jibu.

Mnamo 3 Machi, 2026, “mwezi wa damu” nadra sana utaonekana angani. Tukio hilo zima litadumu kwa takribani saa tano, likijumuisha takribani saa moja ya kupatwa timilifu kwa mwezi ambapo mwezi utaonekana kuwa mwekundu sana. Mwezi huu wa damu nadra sana utaonekana katika sehemu nyingi duniani.

Katika miaka ya hivi karibuni, miezi ya damu imeonekana tena na tena, kama maonyo ya mara kwa mara kwa ulimwengu:

Mnamo tarehe 15 Aprili, 2014, mwezi wa kwanza kati ya mfululizo wa miezi minne ya damu ulionekana kwa namna ya kushtua, ukiipaka anga rangi nyekundu kama damu.

Mnamo 8 Oktoba, 2014, mwezi wa damu wa pili ulionekana, na kengele za tahadhari ziliendelea kulia.

Mnamo 4 Aprili, 2015, mwezi wa damu wa tatu ulifuata, huku kuonekana kusiko kwa kawaida kukitokea mara kwa mara.

Mnamo 27–28 Septemba, 2015, mwezi wa damu wa nne ulisadifiana na mwezi mkubwa.

Mnamo 31 Januari, 2018, muunganiko wa matukio matatu ya nadra ya “mwezi mkubwa wa damu wa bluu” ulionekana angani.

Mnamo 21 Januari, 2019, “mwezi mkubwa wa damu wa mbwa mwitu” uliitikisa anga ya usiku, huku mwezi mwekundu ukiambatana na “mwezi wa mbwa mwitu”—tukio lingine la nadra la mbinguni.

Mnamo 26 Mei, 2021, mwezi wa damu kwa mara nyingine tena ulisadifiana na mwezi mkubwa.

Mnamo 16 Mei, 2022, “mwezi wa damu wa ua” ulichomoza mashariki, na watu kwa mara nyingine tena walishuhudia mwezi ukibadilika kuwa damu.

Mnamo 13–14 Machi, 2025, mwezi wa damu mwingine ulionekana—mwezi mpevu unaojulikana kama “mwezi wa mnyoo” ulibadilika kuwa mwekundu kama damu.

Mnamo 7–8 Septemba, 2025, mwezi wa damu nadra sana uliodumu kwa dakika 82 ulitokea.

Je, miezi hii ya damu inayojirudia ni matukio ya kifalaki tu kweli? Au inatukumbusha kwamba majanga makuu yanazidi kukaribia zaidi?

Manabii wengi wanaamini kwamba kuonekana kwa miezi ya damu kunaashiria matukio yasiyo ya kawaida na makubwa yajayo. Pia kuna wataalamu wengi wa Biblia ambao wanaamini kwa uthabiti kwamba kuonekana kwa miezi ya damu ni kutimia kwa unabii katika Kitabu cha Yoeli 2:29–31: “Hata watumishi, na wajakazi, Siku zile nitawamiminia Roho Yangu. Nami nitaonyesha mambo ya ajabu katika mbingu na katika dunia, damu, na moto, na minara ya moshi. Jua litageuzwa kuwa giza, na mwezi kuwa damu, kabla siku kuu na ya kutisha ya Yehova haijaja.” Pia, katika Ufunuo 6:12, inasema: “Nami nikaona, alipoufungua muhuri wa sita, palikuwa na tetemeko kuu la nchi; jua likawa jeusi kama gunia la singa, mwezi wote ukawa kama damu.” “Siku kuu na ya kutisha” iliyotajwa katika unabii inarejelea majanga makuu. Sote tumeona majanga yakiongezeka kwa kiwango katika miaka michache iliyopita, kukiwa na matukio ya mara kwa mara ya majanga kama vile matetemeko ya ardhi, njaa, tauni na mafuriko ambayo yanatisha kweli; hali ya ulimwengu imevurugika na inabadilika kila mara, na kuna milipuko ya mara kwa mara ya vita, matukio ya vurugu na mashambulizi ya kigaidi ambayo yanaendelea kuongezeka; hali ya hewa duniani inazidi kuwa ya joto, na hali mbaya ya hewa na maajabu mbalimbali ya kifalaki yanatokea mara kwa mara. Ishara za siku za mwisho zilizotabiriwa katika Biblia zimeonekana moja baada ya nyingine. Kuonekana mara kwa mara kwa miezi ya damu si tukio la kushangaza, bali ni onyo la siku za mwisho!

Kwa kuwa majanga makuu yamewadia, tunapaswa kumkaribishaje Bwana na kupata wokovu Wake? Bwana Yesu alisema: “Kondoo Wangu waisikia sauti Yangu, nami nawajua, nao wanifuata” (Yohana 10:27). “Hata bado nikali ninayo mengi ya kuwaambia, lakini hamwezi kuyastahimili hivi sasa. Lakini Yeye, atakapokuja huyo Roho wa kweli, atawaongoza awatie kwenye kweli yote” (Yohana 16:12–13). Imetabiriwa katika sehemu nyingi katika sura ya 2 na ya 3 ya Ufunuo: “Yeye aliye na sikio, na alisikie neno hili ambalo Roho ayaambia makanisa.” Kutokana na unabii huu, tunaweza kuona kwamba Mungu atanena maneno katika siku za mwisho ili kuwaongoza watu kuingia katika ukweli wote, Akitekeleza hatua mpya ya kazi ili kuwatakasa na kuwaokoa na kuwaleta katika ufalme wa Mungu. Ni kwa kusikiliza sauti ya Mungu na kutamani kuonekana kwa Mungu pekee ndiyo tunaweza kukaribisha kurudi kwa Bwana Yesu, kupata fursa ya kuokolewa na kukamilishwa na Mungu, na kuingia katika hatima nzuri pamoja na Yeye. Vinginevyo, tukishakosa kurudi kwa Bwana, tutapoteza wokovu wa Mungu, tutaanguka katika majanga makuu ya siku za mwisho, na tutaondoshwa na kuadhibiwa. Haya ndiyo Mungu anasema kuhusu jambo hilo:

Maafa ya kila aina yatashuka, moja baada ya lingine; nchi zote na maeneo yote yatapitia maafa: Tauni, njaa, mafuriko, ukame na matetemeko ya ardhi viko kila mahali. Maafa haya hayatendeki tu katika sehemu moja au mbili, wala hayataisha baada ya siku moja au mbili; badala yake, yataenea katika eneo kubwa zaidi na zaidi, na yatakuwa makali zaidi na zaidi. Katika wakati huu kila namna ya tauni za wadudu zitaibuka moja baada ya nyingine, na tukio la watu kuwala watu litatokea kila mahali. Hii ni hukumu Yangu juu ya nchi na watu wasiohesabika.

Neno, Vol. 1. Kuonekana na Kazi ya Mungu. Matamko ya Kristo Mwanzoni, Sura ya 65

Katika ulimwengu mpana, bahari hugeuka kuwa mashamba, na mashamba kuwa bahari, mara nyingi zisizohesabika. Isipokuwa Yeye aliye na mamlaka juu ya kila kitu kati ya vitu vyote, hakuna yeyote anayeweza kuongoza na kuelekeza mbari hii ya binadamu. Hakuna “mwenye uwezo” wa kumenyeka au kufanya maandalizi kwa ajili ya mbari hii ya binadamu, sembuse kuwepo kwa yeyote anayeweza kuiongoza jamii hii ya binadamu kuelekea hatima ya nuru na kuwakomboa kutoka kwa ukosefu wa haki wa ulimwengu wa mwanadamu. Mungu anasikitikia mustakabali wa wanadamu, Anahuzunishwa na kuanguka kwa wanadamu, na anaumizwa kwamba wanadamu wanatembea, hatua kwa hatua, kuelekea uozo na njia isiyo na marejeo. Hakuna mtu ambaye amewahi kufikiria hili: Je, binadamu kama huyu, ambaye ameuvunja moyo wa Mungu kabisa na kumtelekeza ili kumtafuta yule mwovu, anaweza kuwa akielekea wapi? Ni kwa sababu hii hasa kwamba hakuna anayejaribu kuhisi ghadhabu ya Mungu, kwamba hakuna anayetafuta njia impendezayo Mungu au kujaribu kumkaribia Mungu, na zaidi ya hayo kwamba hakuna anayejaribu kuelewa huzuni na maumivu ya Mungu. Hata baada ya kusikia sauti ya Mungu, mwanadamu anaendelea katika njia yake mwenyewe, anaendelea kugeuka mbali na Mungu, akikwepa neema na utunzaji wa Mungu, na kuepuka ukweli Wake, akipendelea kujiuza kwa Shetani, adui wa Mungu. Na ni nani ambaye amewahi kufikiria, ikiwa mwanadamu atang’ang’ania katika ukaidi wake, jinsi Mungu atakavyowatendea wanadamu hawa ambao wanampuuza Yeye kabisa? Hakuna anayejua kwamba sababu ya vikumbusho na mahimizo ya Mungu yanayorudiwa kwa mwanadamu ni kwamba Yeye ameandaa mikononi Mwake majanga ambayo hayajawahi kuonekana hapo awali, yale ambayo hayatavumilika kwa mwili na roho ya mwanadamu, si adhabu ya mwili tu, bali yale yanayolenga roho ya mwanadamu. Unahitaji kujua hili: Mungu ataiachilia hasira ya namna gani mpango Wake utakaposhindikana, na wakati vikumbusho na mahimizo Yake hayatalipwa? Itakuwa kama kitu ambacho hakijawahi kupitiwa au kushuhudiwa na kiumbe yeyote aliyeumbwa. Na kwa hivyo Ninasema, majanga haya hayana kifani, na hayatarudiwa kamwe. Kwa maana mpango wa Mungu ni kuumba wanadamu mara hii moja tu, na kuwaokoa wanadamu mara hii moja tu. Hii ndiyo mara ya kwanza, na pia ndiyo ya mwisho. Kwa hivyo, hakuna anayeweza kuelewa nia za bidii za kazi na matarajio yenye ari ambayo kwayo Mungu anawaokoa wanadamu wakati huu.

Neno, Vol. 1. Kuonekana na Kazi ya Mungu. Mungu Ndiye Chanzo cha Uzima wa Mwanadamu

Kazi ya Mungu inasonga mbele kama wimbi kuu lenye nguvu. Hakuna anayeweza kumzuia, na hakuna anayeweza kusimamisha mwendo Wake. Ni wale tu wanaosikiliza maneno Yake kwa makini, na wanaomtafuta na kumwonea kiu, ndio wanaoweza kufuata hatua Zake na kupokea ahadi Yake. Wale wasiofanya hivyo watakabiliwa na janga la kuangamiza na adhabu wanayostahili kabisa.

Neno, Vol. 1. Kuonekana na Kazi ya Mungu. Kiambatisho 2: Mungu Ana Mamlaka Juu ya Hatima ya Wanadamu Wote